دخيلك من عيونك وأحمـر الخديـن والنظـره
ودخيلك الليل لا لون شعـرك وكحـل عيونـك
ودخيل الشفتين اللي تباهى من صفا الحمـره
ودخيلك شفت دمي في شفاك بسبـة طعونـك
ودخيلك من قوامك لا تثنـى وانتثـر سحـره
ترجاك القصيد ولا وصـل زينـك ومضمونـك
ودخيل الراحتين اللي دفاهـا يشعـل الجمـره
يشعللها الغـرام وتنطفـي بصـدر مفتونـك
أنا والله ما قلـت القصيـدة مقصـدي فكـره
أنا جيت أوصفك باحلى القصيد وطاح من دونك
أنا مهمـا بلغـت بحبـك الابـداع والشهـره
ما أحس إني وصلت لغايتك لو صرت مجنونك
تعليت بنظر عيني وأنا اللـي سلمـك عمـره
عليك الله ما أخون القوافي وأنت مـا أخونـك
أنا اليا من ذكرتك كيف أنام وأبـأنتظر بكـره
أحس الموت فـغيابك تذبحنـي علـى هونـك
ذكرتك في القليل وباقي الاحساس يـا كثـره
عسى يوم أختصرت انك تقدر جهـد مظنونـك