لاصرت بايعني اشوفك على خير = مع السلامه دام مابه سلامه

قلت : انتهينا ..؟ قلت لك : خير ياطير != ماني بأول شخص يخسر غرامه

محذرك من قبلها الف تحذير = لاعفتني بيعيف قلبي هيامه

مانيب ميت لا ولا احتاج تبرير = صح الله لسانك ووفر كلامه

بأسمعك حبكه وفكره وتصوير = وافهم عدل يامدعي بالفهامه

وجه الشعر ( ابيض ) ويحتاج تغيير = ودّي تزيين هالقصيده ( علامه )

ماضيك الأسود بذكره دون تقصير = كذا يكون بخد هالشعر ( شامه !! )

يصدق معي تعبير ويخون تعبير = ياضيعة الشاعر بوقت إنسجامه ؟!

يمكن خطأ ادوّنك بالشعر مير ؟! = لو ما احترمتك .... للغرام احترامه

ماكان حبك غير .... بس طعنتك غير = علمتني معنى الندم والندامه

ماجاك مني أي زله وتقصير= كل ماخطيت اعاتبك بإبتسامه !!

حسبي على الذكرى اذا هبت عصيـر = ما عاد تنفع شرهتي والملامه

البال ضامي وقتها والحزن بير = خسرتك وهمي كسبت اهتمامه

والليل فازع لك كذا ؟! جاني مغير = ظلمتني واكثر ظلمني ظلامه

لا اقبل علي الليل اوحييت صوت المسايير = وفزيت كل ضيف أقوم بمقامه

وليا عزم هالليل ضيقه وتفكير = قلي بربك كيف بقدر انامه ؟؟

مافيه داعي للعتب والمعاذير = الغدر ( خال) الجرح واطيب (عمامه )

أما يجيب الله مطر .. تالي وخيــر = ولا السلامه " ماش" .. ما من سلامه

نثرته

//

\\


مودتي