[poem=font=",5,red,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] ماهو بشكل المباني أو بطول العمد=وإلا جسوركبيرة أو بنطح السحاب
الشكل رائع ولا أحد ياحبيبي جحد=بس البلاء لاختفى تحت النعيم العذاب
إي والله أغليك وأعشق تربتك يابلد=وأفديك بالروح لو تصبح بعيني خراب
حب من القلب ما هو حب راجي وعد=حب لو نشيب يبقى ياحبيبي شباب
لوزدت قسوتك أو زدت التعب والنكد=تبقى حبيب القلوب برغم كل الصعاب
ياموطني كل شئ يهون حتى الولد=دامك على نهج أبو القاسم ونهج الكتاب
من يدعي الحب لازم يثبته بالسند= وأنا لأجل حبك الصادق بزيد العتاب
عتاب صادق لجل يبقى النماء والرغد=الجرح لامن فسد يكثر عليه الذباب
وأشوف جرحك كبير وفي عيونك رمد=ماعدت تقدر تشوف اللي يزيد المصاب
ياموطني قص يد اللي سرقك وشرد=مافيه داعي تجامل زاد نبح الكلاب
مصيبتك كم فرح به عاذل لك حسد=وأنت ولاأنت هنا غايب وطال الغياب
ارجع ترى شافت العالم أساس العمد=ماعاد لك عذر تتعرى برشة سحاب [/poem]

بقلمي

فلاح العايد