|
ياويح عينٍ ماغفت ل أظلم الليـل (نهار الندامه)
[align=center][table1="width:95%;background-color:black;border:9px ridge gray;"][cell="filter:;"][align=center]
[poem=font=",6,gray,bold,italic" bkcolor="transparent" bkimage="" border="double,4,gray" type=1 line=0 align=center use=ex num="0,black""]
الشمس غابـت يانهـار الندامـه=ياويح عينٍ تنتظـر داجـي الليـل
والنفس طابـت ماعليهـا ملامـه=ملّت من اوعود الشتـا والمناديـل
أبطيت عنّـي ياغـزال العدامـه=كابرت في بعدك ولا عاد بي حيل
ماشفت صدري لك يجمّع حطامـه=يجمع وتتناثر ضلوعـه غرابيـل
ياصيدة اللي مايسـوق الغشامـه=ظاري على صيد الظبا له محابيل
حـرٍ عيونـه ماتتـوق الحمامـه=له في قنيف الغيم موقف وتسجيل
قنصتها يـوم القنـص بالفهامـه=ما صال ميدانـه بليـد ومهابيـل
واليوم جيتي في عيونـك علامـه=نظره وطاويها من الفـرحْ تمثيـل
شوقك يفجّر في عنادك خصامـه=ضحكه وتبدي لي ربيع وتساهيـل
ضمّي متوني عن بـراد الغمامـه=لا يختلط ودق المطـر بالمهاميـل
نامي على صدر الذي في منامـه=تسهر على شعره ظعونٍ مراحيـل
خلّيه يدفى قبـل تنحـى عظامـه=بيموت من كثر الوله به مواويـل
خلي الغلا ياخذ مسيـر إنتضامـه=دام الوعد ظالم ولايوفـي الكيـل
مادام وصلك بي يزيـد الوسامـه=صدّك ذنوب أقبح من أعذاره الويل
زرعٍ سقيته من عروقي غرامـه=حرام يذبل ماقطفـت المحاصيـل
وبحق من صلّى وزكّى وصامـه=ماطاع في حبك هل القال والقيـل
شاعر وشعره له يديـن إحترامـه=ما عرّضه صوب الوطا والمهازيل
راسي كسيته عن مداهـم عمامـه=أنذرت ما يذعن لقـول المراذيـل
فوق الغلا عندي حقوق وكرامـه=وإن غاب خلّي حافظ العهد ما ميل
أبقى على رجوى الوصال وسلامه=وأشعل من أشواقي شموع وقناديل
والشمس لو غابت نهـار الندامـه=ياويح عينٍ ماغفت ل أظلم الليـل
[/poem]
[/align][/cell][/table1][/align]
|