بسم الله الرحمن الرحيم
السلام عليكم ورحمة الله وبركاته

تشك بحبي لك وانا اللي حبي لك بلا مقياس
تشك فيني وانا حالف بدنياي ما اخونك
....

غريبه حاله الدنيا غريبه لاحب ولا احساس
كثر ما تصون لهم عهدك كثر ما هم يخونونك
....

انا يالغاليه شارب من احساسك وعطفك كاس
وانا اذكرك دايم يوم كل الناس ينسونك
....

انا كلي محبه من طرف رجلي الين الراس
انا وان كنتي ما تدرين يقولون عني مجنونك
....

انا ما عندي ما نع بس علشانك اخاوي الياس
انا اللي لو تناديني بأعلى صوتك اقول عونك
....

خلاص اصحي من اوهامك وانسي الهم والهواجيس
وغيري كل نظراتك وكذبي اغلب ظنونك
....

بقولك شي اسمعي زين وخلي عنك الوسواس
يا اطهر ما مشى على الارض انا ما لي دونك
....

وحق الله احبك موووت واشوفك بعيون الناس
وحتى في بعض الاوقات اشوف الناس بعيونك ..
....

للشاعر طارق المحياس

راقت لي فكانت هنا
اتمنى تنال ع رضاكم
في امان الله