هنآ باكتب هنا باحكي هنا تلقون إحساسي
هنا باهدي لها وادري ماهوب اللي يليق ابها

هنا بامكاني اتأسّف لأغلى كوني و ناسي
إذا انّي ما وفيت بـحقها و لا أدّيـت واجبها


هنا باشرح معاناتك بحملٍ مجهد وقاسي
تعبتي فيه لين اثـقل بها كتـوفك و أتعـبها


هنا باذكرك يا أمي مادام ان البشر ناسي
حنانك , طيبتك ,عطفك , مزايا كيف باحسبها


هنا اشتاق يا يمه على كتفك احط راسي
تلمّيني , تهدّيني بحروف ٍ , آه مـا اعـذبها


هنا يمّه تشوفينه مكانك عالي و راسي
محال تغيّــره ناس ٍ تجي دونـك مـراتبها


هنا يمه احبك حيل هنا بافديك بانفاسي
هنا تسـودّ بي دنــياي لو غابوا حـبايبها


تراك انتي حبايبها وبك يا قوّته باسي
وجودك نعـمه ا بدنيـاي يحيِـيِها و يطربهآ

هنا فالقلب يا يمه تحرك صادق احساسي
يبي منك الرضا باصدق مشاعر فيك كاتبـها