منتديات بعد حيي - عرض مشاركة واحدة - | | [ تصدّق لو أقول انّ الضلوع بغيبتك شابت , | مُهره الحبتور ] | |

06-06-2010, 11:16 PM

[ALIGN=CENTER][TABLE1="width:95%;background-color:white;"][CELL="filter:;"][ALIGN=center]

هي : تكتب لـ يحيا الشعر | تغيب لـ تبقى حروفها مدرسه لمن بعدها .
هي : سكبت ما جعلها شاعره بمعنى كلمة الشعر | تكتب ما نشعره لا ما تجعلنا نشعر به .
هي : لا تصنف بأصناف الشعراء ( تقليدي - حداثي ) | هي تتوسط ما بينهم بكل جمال .

تصوّر كلمتك : "بَبْعد" .. نتايجها شْـ كثر جابت
ــــــــــــ على القلب الذي يسعى تكون بْـ دنيته .. قبره !
سهر ..
غيره ..
قهر ..
حيره..
...................وازيدك : " مهرتك " ذابت
ــــــــــــ تشابه حايكٍ ضيّـع على جال البحر .. إبره .

تشتـّـت ما درى بْــ رمل الشواطي إبرته غابت
ــــــــــــ أو انّ الموج أجرفها لقاعٍ مظلم بْــ كـُبره .

حبيبي والأسنـّه من جيوش مفارقك صابت
ــــــــــــ أساس اركان احاسيسي وولّت قوّتي الدبره !

تعبت و كلْ بنات افكار راسي بالعنا ارْتابت
ــــــــــــ تنظـّــم بالمفارق ... بيت _ يتلا _ بيت _ للعِبره .

تغيب وْ ما تبيني أندب الآمال لا خابت
ــــــــــــ وانا لولاك منهو في حياتي يْهمّـني خبره ؟

إذا هذي الخواطر في غيابك حيل ما طابت
ــــــــــــ تعال وعالج بْــ لقياك كسْـرٍ إنـْـت لهْ جبره .

تخيّل.. حتى لو ما جبت لك سيره ... علي نابت
ــــــــــــ ضلوعي بالمواجع واشتكى صوتي .. عسر نبره .

لو انّـك تفهم شعور الوله والشوق ما عابت
ــــــــــــ أحاسيسك... معاني الحبّ فيني وْهدّته بْــ كِبره !

تصدّق لو أقول انّ الضلوع بغيبتك شابت؟؟
ــــــــــــ وراسي ما خذا من سود أفعالك سوى حبره !!

,

لأني حتى من شينك أجمّل روح ما تابت
ــــــــــــ عن الذكرى يا أقرب من سواد عيوني للـْـعَبره .

أبيك تـْعرف لو إنْـها طباعي مْـن القسا هابت ؟
ــــــــــــ أبد ما جيتك بقلبٍ لوصلك ملّ من صبره !

مهره الحبتور .

أتمنى ترتقي لذآئقتكم

[/ALIGN]

[/CELL][/TABLE1][/ALIGN]