عاتب وعاتب والعتـب راس مالـي

عليك ياللـي لـك معـزه وتقديـر

مـن بينكـم كنـي وحيـد لحالـي

الناس في خير ٍ وأنا منك في غيـر

أصيح انادي لك علـى راس عالـي

أخاف من عجلات سـود المقاديـر

أخذ الحـذر مـن مقبـلات الليالـي

وقت ٍ تقلـب بيـن زود ٍ وتقصيـر

ماهي حكايه منـك ماطـاب فالـي

وأنا بفضل الله من خير فـي خيـر

أدير فكري مـن جنـوب وشمالـي

نشا السحـاب وفرقتـه المعاصيـر

وإلا أنت عندي طول الأيـام غالـي

ومال الغلا في مثل ذا الحال تبريـر

تفـداك حالـي ياحبيبـي ومـالـي

وصحيح منقال الهوى يخلق اصغيـر

وجدي على جو ٍ من النـاس خالـي

ما شوف فيه الا الجدي وانت والطير

كلمات الشاعر السامر