يامنبع اشعوري / ويـاروح الالهـام


ياللـي بكّلـك بالخفـوق ارتكيتـي


ياللي دخلتي في حياتي مـن العـام


على شقاي وحيرتي وش جنيتـي.؟


تدرين بالله وش ورى بعض الاوهام.؟


حيره , وفقد , ووجد , لو مادريتـي


بالصـدر صيحـات وغرابيـل والام


ليتك على صيحات صدري صحيتـي


اسهر والى من نمت جيتي بالاحـلام


هنـا هنـا القـاك مهمـا اختفيتـي


يامبرد اعصابك على على نار الايـام


اللي بهـا عشتـي وفيهـا غديتـي


ابتركك لـو كنـت هـاوي ومنظـام


واوعدك والله ماذكـرك لـو بكيتـي


ماكنت مخطي بس حظـي والاقسـام


انتي بحقـي مـن بـرودك خطيتـي


ابا اتحـدّى فيـك شعـري والاقـلام


ماهو بذنبي : ( انتي اللي بديتـي )