إحتباس إحساس داخل صدر محدود النطاق !
وكل من حولك يظن أنه فهيم !
يشعل الشمعه .. و يهديك إحتراق !




,

غصن الأيام ذابل ..!! وأخضر البوح جآف ..!!
و الشعور الذي يروي غلاهم .. رحل ..!!

جيت كلي جروح وجيت لك بإعتراف
العما للعيون ..و من يلوم الكحل ..!!

والنهر من يلمه بعد حضن الضفاف ..!!
والتساؤل يموت وما يصافحه حل ..!!

والمشاعر تكابد بس تبغى الكفاف ..!!
من يمد الأمل قبل لا يضمحل ..!!

,





مو غريب أني عرفت أنك تخون ..
البلا فيني أنا شفتك [ ملاك ]

يوم أنا مديت لك شوف العيون ..
ما رجيت من العطا إلا رضاك

صرت عادي مثلهم .. تتشابهون
كلكم واحد و هذا مثل ذاك

تجرحه قلبي و أقول أنك تمون
ثم ترجع تجرحه و أصرخ فداك

ياغبائي كنت انا عندي أهون
وأنت فوق الكل من ياصل سماك

كان كل هالكون في كفه يكون
وأنت في كفه و يرجح بك غلاك

شعرةٍ مابين حبي و الجنون
و رمشةٍ مابين فقدك و الهلاك

بين قلبٍ علته كثر الظنون
وبين روحٍ تنولد لحظة لقاك

خون يا خلي و أملاني طعون
دام أنا ما أهمني .. ماهو خطاك !



,
مخـــرج

على درب المحبه تنبت " الزهره على الصبار "
وترويها بقلبك نص وتروي بالعقل نصه

ولا تعطي خفوقك للئيم و تشتكي " غدار " !
تخير لك حبيبٍ يستحق بطولة القصة

اتمنى ان ترتقي لسمو ذائقتــــــــــكم

خالص ودي