من منطلق فكري عسى شعري يصيب والسالـفـه لاتنطـلـق بعنانـهـا
بعض الحكي يا ناس حادرله شعيـب ومـن لايميـز كلمتـه ماصانـهـا
ويصيـر عرضـه للبعيـد وللقريـب نقـال حـكـي وللفـتـن فتانـهـا
يشعل فتـن مايـدري ان الله رقيـب على العبـاد اللـي طغـى شيطانهـا
والنفس من يتبـع هواهـا مايطيـب ومن يتبع السيئـه رجـح ميزانهـا
والحسنه اللي تمسح السيئـه تغيـب وغيابهـا لـلـي فـقـد برهانـهـا
واحسب حسابك كان لك عقلٍ مصيـب والنـاس لاتبحـث خفاهـا وشانهـا
ما انت عليهـم لا وكيـل ولا نديـب وعرضت نفسك في ذهـاب احسانهـا
و عود على نفسك وتعجب يا عجيـب سيرة حياتـك وش مـدى نقصانهـا
وصحح خطاك ان كان لك حظ ونصيب فالجنـه اللـي رابــحٍ سكانـهـا
وترى الادب مايملكـه كـود الاديـب وأداب نفسك مـن رضـى رحمانهـا
وهذي نصيحه والنصيحـه ماتخيـب للـي يبرهنهـا عـلـى عنوانـهـا

منقوله لكم