|
احدن ليا شاف اثقل الحمل شاله
احدن ليا شاف اثقل الحمل شاله
واحدن ليا شاف الثقل قال بعدين
واحدن قبل تنخاه يجدع عقاله
واحدن بعد نخواك يسقط من العين
واحدن خريش القلب يخشى ظلاله
واحدن شجاع يدوس روس الثعابين
واحدن يصرصر بالصراير رياله
واحدن رياله ماعرف وجهته وين
واحدن ينومس ذكر طيبه خواله
واحدن عمامه من خواله بريين
واحدن قبل ينطق يثمن مقاله
واحدن يلووط لسانه أقصى الدواوين
واحدن قضى ليله يهوجس لحاله
واحدن قضى في طاعه الرب ثلثين
واحدن يخلي كل امورك سهاله
بالـقـول لـكـن فـعـل مـاينفـع بشين
واحدن إذا مال الزمن ارتكا له
يثبت مـثـل مايـثـبـتـن الـضـلاعـيـن
|