ما غديت القريب الاّ بـ فعل الحنين ..
................... من غرامك اشوفك في وجيه العباد ..
،
المسآفـه .. بينـي وبينـك عمـر
................... والجـروح اللي ملتنـي .. ماتطيب
كنت أشوفك غيـم يمـلاه الطهـر
................... كنت أحبـك زود يوم الحـب عيب
أنـت .. يا آخر بدايـة لـ الهجـر
................... أنـت .. يا أول نهايـة لـ المغيـب
الحكـي منّي معك ، يُحسـب شعر
................... يرتجون الشعر بعدك ، كيف اجيب ؟
امتهنت الصمـت عن مـد الـدرر
................... خوفي كفــوفٍ رجت دُرّي تخيب
والشهـور اللي خذتنـي ، منتظـر
................... علمتني مـ اتبعك .. مُتعب .. كئيب
قلت اجمّـع كـل حلـمٍ إنكسـر
................... قمت الملم داخلي كلمة ح ب ي ب
ما رضيتك طيـف يطلبنـي سهـر
................... دام عشتك صدر لـ احضاني قريب
والمسآ .. من يطلب دمـوع البشر
................... ماعطيته من نـدى عينـي ، نصيب
وانت غايـب ، والمـدى مابه فجر
................... صرت احس ان الوطـن هذا غريب
ليت مالي قلـب ، يحتاج لـ صبـر
................... ليت مابي جـرح ، يحتآج لـ طبيب
آه ، ليت الشعـر يجتـاح الصـدر
................... كان ماتقـدر عن عيـوني ، تغيـب
المسآفـه .. بينـي وبينـك عمـر
................... وكل خطـوه .. ماتوّرث غير شيب
مـخـرج
آه ، ليت الشعـر يجتـاح الصـدر
كان ماتقـدر عن عيـوني ، تغيـب
[/align][/cell][/table1][/align]