السلام عليكم ورحمة الله وبركاته
مساكم الله وصبحكم بالخير..

دكتور عالجني .. ترى واصل أقصااي
بي علت" مبطي وأنا أخفـي نكـدها

عطني دواك .. وخابر" وش هو دواي
وصل الهنوف .. اللي بصدري مهدها

مابانت العله .. ولا أبـديت بلـواي
إلا بعـد .. ما حَــن قلبي وفقدهـا

لو هي قضت لو ليلة" داخل أحشاي
من شان تـعـرف وش حياتي بعدهـا

مبطي وأنا ضحكي مفارق شفاياي
لي مدة" من بعد ما أخطت سـددها

لو جيت بأشكي..قالو الناس شكّاي
وإن قلت بأبكي..العين تشكي رمدها

لا أحد" سمع يادنيتي كل شكواي
كلا" يفكر لقمته .. وش بعدها..؟

أعيش في الدنيا .. ولا ضاع مبداي
يبقى معي .. ما دامني في مــددها

الروح ما تنسآ.. ولو صرت نساي
ما قد سمعت بروح تنسآ جسـدها

{إلا} بعد ما يكثر القول .. والرآي
تنسآ.. وقولت حاسدي "تعتمدها"

الله يستر يا زمن وش ورآ الجاي..!
من عقب .. ما شلَّت خفوقي بـيدها

دكتور .. لا تتعب ولا تصرف دواي
أسباب ذي العله (( خيآآنة وعـدهآآ ))

للشاع’ـر // نايف العجمي