[ALIGN=CENTER][TABLE1="width:95%;background-color:black;border:2px solid gray;"][CELL="filter:;"][ALIGN=center]

محطة إنتظارك . . موت
وعيّت توصل ، أخبارك
وحيد . . ولا معك غيرك
بعيد الوصل و الملقى !
غموضك | عبرتك | ليلك
دموعك ، سكّتك ،ويلك
وآهاتك و زفراتك،
ويأسك في متاهاتك !
سفر دنياك . . ما هدّك
معاك الحيل ما سافر
ولا هذا الزمن : ردّك
عن الأحلام . . والطيبة
أيا طيّب بإحساسك ،
قليل بهالوطن مثلك !
أيا مجنون بأحلامك . .
تخاف الناس . . ماتنسى
هَجَرْك الحظ من بدري،
وغنّى الضّيم موالك!
ترى هالحزن ما يدري . .
عن اللي فيك وشـْ جالك !
و ياما الحب غنّى لكْ . .
وجاك بْ صدره يضحّي،
يدوّر فيك . . عن ذكرى
ولايحرث سوى : همّك
وصوتٍ بحّته . . ترجف
تغنّي من غلاك : إحساس
تبي يوصلّك ،المعنى
و يصرخ خافقك : لاباس
عسى لاباس . . يا وجهٍ
طواري غيبته : ملّت
تهزّ أقصى قبايلها . .
وترجي طيوفه يْجيها،
ولا جابتْه نخوتهم . .
ولا همّتْه : دنياهم
بقى " وحده" ولا عوّد ،
وخيّبها رجاويهم . . !

يا فضا الأحلام . . يا دنيا الأماني
_________ يا صدى الأوهام في غربة سنيني
" لحظة غيابه " ، حكايات ومعاني
_________ وكل طاري لي مع قلبه : يجيني !
" لحظة غيابه " - نزف فيها لساني
_________ وماسمعت مْن الحكي إلاونيني
" لحظة غيابه " متاهات ومواني
_________ والمسافه بحر ومجدافي إيديني
" لحظة غيابه" مخلّدها زماني
_________ والعمر وقّف . . بعد فرقاه : فيني
" لحظة غيابه " عرفت إنّه نساني
_________ وكل شكّي بغيبته أثبت يقيني
حادي الغيبة . . تغنّى بكْ مكاني
_________ " وينها عيونك حبيبي " وين عيني ؟
عودي المكسور أدوزن بهْ أغاني
_________ و الأصابع لهفةٍ . . تخذل يميني
ملّت الساعات تسأل هـالثواني
_________ ما جبرْه الشوق يسأل عن حنيني؟
ما طراله فـْ غربته عنّي : حناني؟
_________ و ما ذكرها عشرةٍ : بينه وبيني

للفآتنه / وجدآن الأحمد

اتمنى ترتقي لذآئقتكم

[/ALIGN][/CELL][/TABLE1][/ALIGN]