لي خل مبطي عنه وأزريت لا أجيه

ليته يجي وإن جيت عنده .. بأضمَّه

ولي قلب مسروق"ن" من أقصآ عراويه

محد"ن" درى عنّه ولا جـاب علمه

ولي حُب مظلوم"ن" بحضرة معاليه

ولا أشتكى من .. قـو قلبه وظلمه

ولي عطر منه من زمان"ن" ومهديه

لا ضاق فيني الصدر.. جيته وأشمَّه

في داخلي حكي"ن" وذلحين بأبديه

وأبسألك .. وأبغي جواب"ن" بذمه

هو فيه خل"ن" يرتضي لخلَّه التـَّيه..؟

ويشتاق تعذيبه .. ويرضيه همـَّه..!!

أو فيه مسلم يرتضي الظلم لأخيه..؟

يسعى لتعزيره.. وفي هدر دمـــه..!!

يكسر غصون الحب ما أقول له: ليه

وإن قلت أنا له : ليه..؟ ما رد كلمه

(يا جرح) عـَز القلب بفراق غاليـه

وأجمع بقايـآ الحـُب فيني.. ولمـَّه

(ويا نفس) سجِّي عن فراقه وطاريه

ما عاد له فيني "خلايا تضمـَّـه"

(ويا عين) كفي الدمع ما عاد يرضيه

ما دام دمعك صاير"ن" كنه جمـَّه

بأصد وأقفي عنـك .. صـد المشآريه

كلن يرووح..ويمسح الدمــع كـُمـَّه