.
الليل
/
.
الليل
الليل من دونك ترى شين وامخيف
وشلـــون اقضي باقي الليل دونك
عذب الحديث وهمسنا والسواليف
ومحــاولة تبديد غيمة اظنـــونك
ما قد خبر وسط الشتا ياتي الصيف
وما ظــن شخص يحب مثلك يخونك
مـــا ودي انك عابرٍ كنك الطيف
وانـــي انا نجمه وطاحت بكونــك
ودي اكون البحر لك وانت لي سيف
واكـــون لك عمرك وقرة اعيونك
واصير لك ديوان شـــــعرٍ وتوصيف
وفي وسط صحراء الحب تهطل امزونك
لا تخاف لا ما فيه شك وتخويف
انــــا معك في رحلة العمر عونك
نظمت عمري عقد لا تقول لي كيف؟
ايــام عمري ما لها طعم دونـــك
عطني بحبك أي وصف ٍ وتعريف
بس اني ابقى نظــرةٍ في عيونك