وفي هذا البيت أنا أجيز الشاعر فقد عبر عن حبه بصوره شعريه رائعه والقصيده
عموما جيده:
يا ليتني في جيبك ريال مقطوع****يبقى معك ما يقبله اي دكان

وهذا ضايق من حبيبه بجد , الله لا يضيق علينا :
اضيق لي شفتك مع الناس مرتاح ****وارتاح لا ضاقت عليك الوسيعه

انا لله وانا إليه راجعون حتى الموضه دخلت الغرام:
شريت لي ثوبٍ على شان لقياك **** والثوب راحت موضته ما لبسته

صوره شعريه أخرى تجسد الفكر لدى الشاعر:
أحزن على فرقاك مثل الوراعين**** لآ مروا الدكان وأسرع أبوهم

وهذا يعاني من مشكلة الإنشغال على الفاضي :
يامال فرقا العين كان ادفنوني ****وفارقت أنا الدنيا وانا عندي اشغال

وهذا آخذ مقلب بنفسه :
قالت أحبك قلت ماهي غريبه **** سيارتي كشخه وانا حيل مزيون

وهذا حب كهربائي:
أنا رفيقك لا ضرب كهربك شوط **** أفزع بسكروبي وأفك الظفيره

وهذا الأخ زاحف من جد :
كان الوعد مابيننا حذفة احجار **** ومن كثر شوقي له حذفت وفلقته