.

أقسم قسم بالله اني لك اشتقت
واقسم قسم بالله ماني برايق

ياللي معك حسيت في قيمة الوقت
غيبتك حلم وذكرياتك حقايق

ان قلتلك ماشي انا جد ماضقت
اكذب على نفسي عشانك تضايق

كم ليلة في وضح وجهك تعلقت
يوم الليالي تستبيح الدقايق

شاعرك لامره خيالك ودنقت
روح تمازج بين غافي وفايق

تحسبني انسى والذي يوم عانقت
اسمه ذكرتك من جميع الخلايق

من وين ماهبت هبوبك وفارقت
يقتلني النسيان لاهب عايق

كل شي اطيقه بس غيبتك ماطقت
عجزت اشوف انك على البعد لايق

وياللي عن احبابك من ايام شرقت
بردك دفا وجروح وقتك حرايق

والبارحه يوم انحنيت ولك اشتقت
صوتلك صدري من البعد ضايق

راقت لي.....