ياليت ساعـات الفـرح مالهـا تيـم
ولاشـك كلمْـة ليـت ماتستـر الحـال
***
لولا المرض والحْزن واالظلْم والضيـم
ماهلٌت الدمعه علـى خـد رجـال
***
ولولا الهوى ماسيّرت خطـوة الغيـم
ولاطال عمر الغصْن الاخضر ولا مـال
***
والا تـرى دنيـا السعـادة مفاهـيـم
وعقـلاً يدبّرهـا علـى كـل الاحـوال
***
دنيـاً تقزرهـا الـرجـال المغانـيـم
كنها على العاقل سواليف جهٌال
***
يقنع بهـا اللـي مؤمـناً بالمقاسيـم
ويبكي عليها اللي يحسبـون الامـوال
***
ويضحك بها خبـلاً جنوبـه مواريـم
وآخير ماحصـل بهـا ثـوب واعقـال
***
ياكم دخل في سجنهـا مـن مظاليـم
وياكم يعيشون برغدهـا مـن انـذال
***
دنيا فرحها تيم واحزانها تيـم
تمسي على حالاً وتصبح على حال
م\ن