كتمت كثر الشوق وأثره فضحني
يرسم على وجهي متيم وشفقان
*
لو أنها جمرة . .*وطيت وكوتني
أهون ولا أقول الشقآ والعنآ بان
*
مير البلآآ .. مني بكيت .. وبكتني
سببت ضيقتها .. وسببت الأحزان
*
أزعل وهي تزعل .. ولا قد شكتني
وأروح ضايق دايم الدوم زعلان
*
لولا غلاها . . ما كتبت وعنـتـني
ولا سهرت الليل بالفـكـر هيمان
*
ماهو بذنبـي!! . . ذنبهـا ولعتـني
فيها سحر..ولا كبر شيخ بطران
*
كم من دموع" سيّلـت وأحرقتني
كم من جروح" تايهه دون عنوان
*
كم من عباري في الخفوق إخنقتني
أكنّها وأخفي ولا أبديــت ونـ واان
*
كم من تنهآته همت ما أمهلتـني
غصبن علي زفرتها بعــد كتمان
*
لــو أنها ديــرة . . نـزلـت وحوتـني
ماكان أحس إني غريب" بلا أوطان
*
ولو أنها "بالحــب" جآآت وخذتـني
ثم داعبتني بالحيآ .. كان ما كان
*
أحبها..؟ ما أحبها..؟ هي إفتنـتني
روّحت معها دون كـفّـه وميــزان
*
الحـب لـذة . . ليــتها ما سقـتـني
قد جيتها ظــامي .. وقفّيت ظميان
*
والجرح وردة . . من يديها هـدتـني
وأغلى الجروح البآقية وسط بـسـتآن


نايف العجمي