احساس عيا هالبشر أن يفهمه
متلحف ٍ برد الشتا واللي يجيه


آمال معدومه .. // بفكره ملهمه
متناقضه .... ما تقبل إلا تحتريه


غصة حزن / تتبعها غصه مؤلمه
متناثره شوق ووله / في كل تيه


تكفر بحبه ! / بعد ماهي مسلمه
وتبيعه ! /وترجع بلهفه تشتريه


أكفان ترميها .. وهو من يلجمه
حزنه // ودمع ٍ ثابت ٍ في مقلتيه


يكتب أساه // وترجمه ثم ترحمه
غريبة الأطباع // ترفض ما يبيه


سحقاً أماني // في وجيه ٍ مبهمه!
سحقاً ألا سحقاً // لهاتيك الوجيه!


ياكم ملامح ... من صلاح ٍ ترسمه
وإلا الردى مبيّن ..على ما تشتهيه


جف العمر / والباقي , / الله يعلمه
وأنا ألملم .. في جرح .. عيا عليه


لكني بأصبر ... والصبر له مكرمه
صبر الغصن يوم أنكسر من مقتنيه

مخرج

اتمنى ان ترتقي لسمو ذائقتكم
دمتم كما تحبون