..................مصير اللي عرفك , يجدد الذكـرى ويحييهـا
يزود الطيش , لكن مع مرور الوقـت لابـده
...................يحن ويرجـع , لعيـن ن مكحلهـا ومعميهـا
وأنا والله مدري هو على الصدة . وش يحده؟
.................وعنده علم . في روحه على روحـي مبديهـا
تعاهدنا على الميثاق .. من جدي ومـن جـده
................مواثيق الغلا عندي ,, وهو ماهـوب ناسيهـا
وبنى صروح المحبة بالظلوع العوج . من مدة
................وأخذ صكه , وأنا الشاهد لمالكهـا وقاضيهـا
وإذا ماهـد بنيانـه , بيـده النـاس ماتهـده
...............عسى الله لايقول إنه ؛بفـال ن شيـن ناويهـا
تطمنت وعلى الله ماتجـي هجمـات مرتـدة
.................على النيـة ولكـن يبـدو إن السالفـة فيهـا!
أثر وضعه يشابه للبحر فـي جـزره ومـده
................يثير الروح بأفعالـه ؛ ويزعلهـا ويرضيهـا
سقى الله .. يوم بيدينا نكـف الحبـل ونمـده
.................نبي نقدم على الخطـوة ولانضمـن تواليهـا
أنــا ودي ولا ودي وهـــو وده ولا وده
.................عواطفنا تروضهـا العقـول .. ومانجاريهـا
ولكنا امتثلنا بقـول (مافـي خاطـرك بـده)
..................مادام إن المشاعـر فاضحتنـا لـو نخفيهـا
ثمرة العلم . ياللي بان صدك . عجـل الـردة
..............خذ أبيات ن نحت يمك . وأنا مارحت أنحيهـا
ترى موج الزعل يظلم, وروِق يابحـر جـدة
..............تراجع .. والمياه إن عدت هي تعرف مجاريها
مـمـا راقي لـيّ