[ALIGN=CENTER][TABLE1="width:95%;background-color:black;"][CELL="filter:;"][ALIGN=center]

صمت :


الليل صمت / وخاطر البوح مرتاب
كّن الكلام يخاف يلمس : جروحي

من كثر ماغنيت .. لليل غيّاب
إحتجت ألاقي .. في المواويل روحي

وجع أبيض ..

سما خوف الكلام .. اللي جرح هذا الحديث أنفاس
بقايا الصوت من ضيقة .. عتاب وغيبة أحبابي

سؤال كل مايطري .. يطير من الجفون نعاس
من قبل ما يرحل .. ترك فقده على بابي

متى صار التعب صوتي !؟ .. وهي هذي وجيه الناس
حضرت من التعب فيها .. وأنا الحاضر من غيابي

ياكل الفقد من بدري .. غصون المغفره يبّاس
هنا الأصفر خذا شكل الملام .. وجفف عتابي

أحس إني وحيد .. أكثر من أية وحده وإحساس
أخاف أضيع في الوحده : من الوحده على ما بي

يا آخر صمت في صدري .. كأن الحزن له حرّاس
وكّني لاتنهدتك .. يردونك وأنا مابي

كذا صار الوطن غربه / من الغربه ولا يندّاس
أحد ماله أحد .. حتى ثيابي ماهي ثيابي

نحلت وما رحل ليل ٍ .. ملا هذا السهر وسواس
ولا ردوا مواويلي .. وهي توصل لـ غيّابي

كثير من الوجع أبيض .. كثير من الخضار إفلاس
كثير اللي بعد غابوا .. خطاويهم على ترابي

أنا لي حزن ما يفنى .. ورى هذا السؤال أنفاس
من اللي قبل مايرحل : ترك فقده على بابي !؟

براءه


وجه الكلام .. أكثر براءه من الصمت
وفـ صمتي أكثر .. من كلام البراءه

أقول أنا مهموم ؟ نعسان ؟ مانمت !
أقول أخيط من التوجس : إضاءه

على شفاة الفكره .. المُتعبه صِمت
وكان النهار ، أقصر وكنت إرتماءه

أتمنى ترتقي لذآئقتكم

[/ALIGN][/CELL][/TABLE1][/ALIGN]