ابكتب كل قصايد حبي اللـي عشتهـا ويـاك
واسميها دواوين الغـرام وصفحـة العشـاق
وابرسم صورتك لوحه واعلقها على الشبـاك
عشان اشوفها دايم وتدري كم انـا مشتـاق
وابكتب كل لحظاتي للحبيبه مـا ابـي انسـاك
ولأنك نقش في قلبي طبعت اسمك بدون افراق
قطفتك وردتي الحلوه قطفتك من وسط اشواك
ربحتك بين هاالعالم بلهفة حـب والاشـواق
احس اني بدونك ميت واحيا بشوفك ولقيـاك
واحس بغيبتك دنياي ظلام ومابهـا اشـراق
واحس بنور هاالدنيا ليامـن جابهـا طريـاك
انا اعطش دوم ياعمري وانت الماي والترياق
الا يالحبيبه الدنيـا حياتـي كلـهـا تـفـداك
تبي تامر على روحي تجيك بشوقها الحـراق
انا ماشفت لك اشبـاه حبيبـي آه يامحـلاك
تقولي للقمر ابعد انا نـوري مهـو سـراق
ايوالله انتي كل النور ونورك منبعـث ويـاك
يشع النور من ذاتك وحسنـك دايـم بـراق
الا يالحبيبه الدنيا وضحكات الفـرح بشفـاك
ودنيا كلهـا بعينـك تنادينـي وانـا مشتـاق
لشاعر فلاح عشوي العنزي