يانية النسيان موتي داخلي غيظ وظما

عليك من حبي لها في داخلي موت وسياج

حبيبتي نجمه تغنت في ملامحها السما

حبيبتي صرخه على الوقت الرمادي واحتجاج

حبيبتي جمله عتب مزمن على شفة عما

حبيبتي شوكة غصون الورد لأيام العجاج

حبيبتي غصن خضر .. لين على دربي نما

لو كسرتني في كفوف الوقت تكسير الزجاج

لعيونها كل الجروح استعذبت نزف الدما

ولعيونها جفن السهر صارت له الدمعه مزاج

أسترجع الماضي واناديها تعالي لى كما

غيثٍ يبشر بالحيا سيله وسيعات الفجاج

والا تعالي لي مثل طيفٍ تهادى وارتمى

داخل عيوني لو يسافر بين رمشي والحجاج

حتى تعيش الخطوه اللي رافقت درب الظما

وانا اجعلك للهامه اللي مانحنت للناس تاج