طفلتك تلبس من [ [mark=#996666]أشعارك[/mark] ] غطا ،
_______ لجل تستر جرحها عن عينهم !
ترتجي حضنك وتدري به دفا ..
_______ ماتت مْن البرد دايم : بينهم ..
شف لهيب الشوق فيها ما طفى !
_______ وين فزعاتك حبيبي وينهم ؟
عضّت لسانٍ نوى يصرخ : [ [mark=#996666]أفا[/mark] ] !
_______ لجل ما يشمت بها ثلثينهم !
الخطا : صدّك وغيباتك خطا ..
_______ تبقى معهم ليه ؟ هوْ من زينهم !
عوّد وصحّي لها قلبٍ غفى ،
_______ وخلّها تنسى ظلام سنينهم ..
[ [mark=#996666]طفلتك[/mark] ] : شابت وبكّاها الجفا ..
_______ وإهدموا أحلامها بيدينهم !