[frame="1 98"]
انا اخطيت الطريق وماسلكت المسلك المعتاد

ولاريحت نفسي من عذاب الحب والغربه


انا سلمت نفسي للعصا..للسجن .. للجلاّد

فشلت فـ كل رغبة مانجحت الا فـ هالرغبه


وطيت ارض الغرام وقلت اباسلي أو ابي اعتاد

ولكن اول انسان صادفته طحت في حبه


عشقته لين ذاب الجسم ليت العشق مايزداد

اخاف العشق لو يزداد يصرعني على دربه


احبه ليت حبي له ..توفى ساعة الميلاد

لو ان الحب مات ارتحت في بعده وفي قربه


احبه حب اعمى ماتسير خطاه لو ينقاد

احبه لكن اللقيا محال وهذي النكبه


احبه والعوايق دوننا والحظ والحساد

ثلاث احزاب تاقف دوننا واوضاعنا صعبه


اموت من العطش والغيث من حولي وحوله جاد

ولا من قمت ابشرب ينشف المغراف والقربه


كبرنا والغلا لازال فينا والجروح جداد

نشيب وما يشيب الجرح فينا ..آه والنشبه


تعب جرحي يطالع ساعته يترقب الميعاد

تعب قلبي من الوقفه على بابي يبي قلبه



انا خبرت الطيور ان الحبيب المبتعد ماعاد

وساد الحزن باعماق الطيور وماكلت حبه

تشوف المغترب لو مااغترب ماتحتويه بلاد
حياة المغترب..حب..وفراق..وهذي الغربه

للشاعر :عبدالله الزهراني
[/frame]