لو مانصد ونكن جروحنـا فينـا
يمدي سهرنا طوال الليل مشقينـا
ولو مانخلي عذاب القلب في صدره
كان العرب سالفتها مـن بلاوينـا
ولو نترك الشعر مانقراه ونصوغه
يمدي بحوره على القيفان تطرينـا
نكتب جديده وهمن محرقن جمـره
والناس تسمع قصايدنـا واغانينـا
ماهمها الناس غير الشعر وطروقه
ماهمهـا همنـا مافكـرت فينـا
مرتاح..مهموم..تبغا قافن اسطوره
تبغا قصيده كتبها الوقـت بيدينـا
عن همنا مااسألت هو ليه وشهو له
تبغى معاناتنـا بتشـوف امانينـا
نشرب كدر وقتنا والناس تستمتـع
يالله عسانـا اذا متنـا بترثيـنـا
اسمع قصيدن لفحه الوقت من حره
يتبع هوانا ويرقـا مـن مراقينـا
وان كانها للغزل وشلون نتغـزل
وهمومنا غير جمر النار يكوينـا
اذا تغزلت يعنـي رايقـن بالـك
وحنا تعبنا وسهـر الليـل يفنينـا
خل القصايد نسيت اسألك ياغالـي
مشتاق لك موت يامرسى موانينـا
اشتاق لك حيل وينك طول غيابك
وين انت رايح مضالك وقت ناسينا
لومامسكنا خفوقن ثـارت اشواقـه
يمديه عندك ولاهو سائلـن فينـا