.
من علمك نطق الوفا وانت ساكت...!!؟؟
ـــــ اتشربك ترحاب... واضماك ترحال.!!
احييت ارضٍ للمواصيل ...ماتت...
ــــــ وكفنت قلب ٍ ماتقل قلب .....رجال
على فكرة..
سرحت ورحت..
رغم كل الظمى لحتك
تخيلتك...
تشوف شلون.!؟
يالله رووح
مابقى للحلم صبح
ولابقى للروح
روح...
بـ اصدق ضحكتي تزهر..
واسوسنها عناقيدي
على رماني وتيني..
بشوف الصبح يتشمّر
امانه خلني وياي...
وانا طبعي
مثل (شمر)..!!
إذا حبيت اجيب اقصاي..
بعد كل هذا تسافر
وتترك عيونك
معاي؟
خذيني يالدروب اقصى طموحك وادفني الخطوات
ــــــ قبل تصحى بنا عين الغياب .. ولمحة سنينه
خذيني لاآآخر أسوار الفضاء ودوزنيه سكات
ــــــ وكبي طيشي .. وهذا استيائي ياثقل طينه...
عطيه من السهر عين .. ومن عيون الضما سهرات
ــــــ كذا والا كذا ..\.. ياما السهر( سهّرت) له عينه
زماني يوم انا حي ٍ ..عشقت...والتفت لي..وفات
ـــــــ وتفرعن وجه مـ سكينه ....وتبسم وجه سكينه
يااااانتي تلهث وجيه السوالف .. من رحلتي ..بات
ــــــ انا ..يسأل دفا رفوف الاماني عن (انا)....وينه..!!؟
احبك كثر مانصفي يموت... ونصفي اللي مات
ـــــ واحبك كثر ماجيتي... خيال ٍ مات تحيينه
و (انا )...غصت بي اوجاع الزمان.. وثخنة العثرات
ــــــ تعالي .. (ماتغيّر جرح )..\.. على ماحطت ايدينه
.
الشاعر... جمال الشمري