بعيد لكنـك هنـا بيـن الضلـوع المرهفـات
أضم وجهك واتحسس صورتك صبـح ومِسـا


وبعيـد لكنـك مشاركنـي تفاصيـل الحـيـاة
ومعانق أوردة العـروق اللـي تشربتـك حِسـا


وبعيـد لكنـك مقيـد داخـل أجـزاء الكُـرات
اللي بدمي تزرعك بعد ووصل .. ليـن وقِسـا


تعال أبغرق في عيونك سيـدي حـد الممـاتت
عـال كفنـي بوسـط القلـب وألبسنـي كِسـا


تعال يادجلـة عروقـي ياشهـد نهـر الفـرات
تعال يانيل الغرام اللـي بـه إحساسـي رسـا


تعال شف كيف المزاج إن ضاق ياسكر نبـات
تعال ياحلوة نخيل الجـوف .. ياتمـر الحسـا


تعال وأسهرني مـع ليلـك ولاتطـري سبـات
تعـال ياجعلـي فـدى كلـك بكلـي ياعـسـا


تعال زملني بحضن القلب مـن أربـع جهـات
تعـال واجمـع بعثـرة نفسـاً تساقـط أنفُسـا


كم جعت لك وأنا ارتضي من قوت حبك لو فتات
أحيا وتحيـا بـه معـي هالجايعـات النِعسـا


أب/ أوعدك ياموطني لو يصبح الخافق رُفـات
والله لاابقى العاصمه وانـت السـراج المؤنِسـا


عاداتنـا وظروفنـا وخنجـر تقاليـد الشتـات
ماتبعدك وإنت القريب اللـي مـع الـدم اكتِسـا