[poem=font="simplified arabic,4,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يا نايم بالهناء والعافيه ما أقول صح النوم=تلذذ بالنعاس وبالغفو وأحلام ورديه
عسى تتقطع أسباب الصحو يا حلو لين تقوم=وتشبع من تناهيد السرير أحضانك الحيه
على ظهر الرساله من خدودك قطَر اليشموم=ويا قلبي عليهم ساعة الروحات والجيه
مدامك منسجم وملايتك قامت عليك تحوم=محصَن والأمور الباقيه في الصحو مقضَيه
أمانه لا تخلي شي باين للشتاء المسموم=مدام إني بعيد ومنشغل عن دفوك شويَه
غصيبه وإلاَ من يرضى يعيش خاطره محروم=يهيم بأرض واللي يشغله في أرض محجيَه
لو إن الأمر بيدي ما حسبت لفرسهم والروم=ولكن ما رضيت أفرح وأزعَل خاطر بنيه
أعد أيَام ما ترحم لياليها حشا مفطوم=أدوَر لك بها ما بين تسليمتي .. والنَيـه
لو إنك تحسبيني منبسط جم والخيار كروم=حساباتك غلط من نحونا مليون بالمَيه
على زيت الألم والتولعه والتفرقه واللوم=أمَوت فرحتي وأنتي حسبتي إنَها حيَه
بصَور لك مقاطع من عناي وبرسل الألبوم=وأخاف اتعذَبك صوره من اللي عشت مطويه
أعزك ما قدرت أحجز لها معنى ولامفهوم=وأحبَك أزهرت رغم إنها ذبلى ومنسيه
من اللي قال لك إن الحنايا والقلوب تصوم=وأنا للحين ما سَحرت قلبي لاجل حوريه

[/poem]