طال الزعل واظلم على دنيتـي ليـل
والقلـب ولهـان مضيـع دليـلـه
يفداك شعري ومن لها الشعر قد قيل
ابيعهـا لجـل العـيـون الذهيـلـه
ياخت الرجال الوافيه ياأبنـة السيـل
انتي بقلبـي طـول عمـري نزيلـه
هيـا ارتـوي منـي ليـالٍ مقابيـل
واروي ضما شوقك سنيـن طويلـه
قلبي ترى واحتك واضلوعـي نخيـل
وانـا لـك ارض مقبـره للثقيـلـه
القـاك بيـت وتنثرينـي مـواويـل
انتي شقا عمـري وكـل الحصيلـه
كني معك مركـب ونظراتـك النيـل
بالحـب واللهفـه عيونـك تشيلـه
يكفيك اهديتي حبيبـك مـن الخيـل
مهره.. وسيف من السيوف الصقيله
عنوانـي انتـي لا وكـل التفاصيـل
وانتـي خريطـة عالمـي يالجميلـه
وانتي سحابـه ممطـره بالهماليـل
تسقي صحاري غربتـي كـل ليلـه
انتي منـاة القلـب يانجمـة سهيـل
ان ضاع قلبي صـار قلبـك دليلـه
وانت الفرح والحزن في غيبتك ويـل
وانت الفرس بنت الحصان الاصيلـه
جفوتك اقوى من السيوف المصاقيـل
واقوى على قلبي من الاخـذ غيلـه
قربـك تزيـن السالفـه والتعاليـل
مـع بـن خولانـي مبهـر بهيلـه
يالنادره من جيل ماهـو بـذا الجيـل
في داخلك طهـر وعفـاف وفضيلـه
وحب تعـدى فـوق كـل التماثيـل
يـا روض بستـان تباسـق نخيلـه
ويـاك اذلـل صعـب الايـام تذليـل
وتشيل نفسي حمـل ماهـي تشيلـه
زلولك ينيـر بعالمـي كـل قنديـل
من بعـد مـا جفـت منابـع فتيلـه
اسرجت لك من هاجس الشعر هالخيل
واهديت لك من قاف شعري جميلـه