فمان الجرح ياذيك السوالف
......................بعد ماخانت ظنوني ظنوني
عرفت الغدر هو كذب الولايف
......................جروحك علموك وعلموني
نزل دمعٍ وبعض الدمع واقف
......................سأل عن باقي طيوفك عيوني
انا كل المشاعر حيل خايف
......................ابسدل هالستار وساعدوني
قل للهوى ينسا وانا اوعدك بنسا
......................وإن مرت الذكرى بخونك وبذكرك
الغيب حظ وكف الأيام ملسا
......................صدق حبيبك لاتخونك مشاعرك
غابت عيونك صاحبي وين نرسا
......................انا و جرحي والشواطي تسامرك
يكفيني إن الجرح في صدري امسى
......................انا عذرتك ليت هالجرح يعذرك
ياليت هذا الحب يجفا ويقسا
......................وإن كان علمته على الغدر بشكرك
قل للهوى آسف و انا اوعدك بنسى
......................كل الكلام اللي جرحني وبذكرك
مخرج
وداع وكلمة التوديع اسف
......................واذا باقي لكم عذراعذروني
حبيب الكذب فيني الصدق حالف
......................اموت الصادق اللي تعرفوني
سألتك هو بقى للناي عازف
......................يغني للحزن مره بدوني
واذا صار الحكي كله حسايف
......................بعد ماروح يكفي تذكروني
للشاعر // الأمير سع ـــود بن عبدالله
لقلوبكم كل الود
