كلْما سليت أذكر، تزايد جنوني
ومن وين صب الدمع عيني.... أغرفتّه؟!
أثري هذاك القلب بير لعيوني
ذكرى على خد الليالي سكبتّه
أطفيت ضوّ الشوق لو يسألوني
وعميت عذلّ الناس بعذار شتّه
الله ثمان سنين يا ناس دوني
الله ثمان سنين من هي شفتّه
وانا ثمان سنين الله عوني
آهن ثمان سنين عيني بكتّه
أحرم على غيره ويحرم بدوني
يسعد مع غيري وانا اللي عشقتّه
لو كان من حقي سجنته بـ جفوني
ياليت هذا الحق من هي أسلبتّه
يا من أخذتي الحب بالله كوني
امّه و أخته أو زوجةٍ له كفتّه
خلّي ببالك شي يا بنت دوني
حبّ اكتفنيته حبّ وقولي أكتفتّه
آنا عشقته عشق وصّل أذوني
حتى قوافي الشعر منّي هوتّه
هذا زماني والظروف ابعدوني
حكم الحظوظ السود قلبي أحرقتّه
كنت بـ حياته حلْم والناس دوني
وآنا سكنته روح ما فارقتّه
لا تقربي قلبً مليته بـ شجوني
منتي بأول حبّ ولا آخره حتّه،
وانا ثمان سنين قلت اتركوني
ذكرى وطيْفه عنّ ناسه كفتّه
أفتح جروح القلب يسود لوني
وآخاف أطويها ويقولوا نستّه
ريم الشمري
العرض الشجري
