الشاعره الرائعه / المميزه ترد وبقوة على شاعرجبل شمر

12-04-2019, 10:58 PM

كما انه لايفوتني الا ان اشكرالمراقب العام المبدع والمميز حقاً / سليكوأبافيصل المحترم

على جهده الدؤوب والمتواصل وهذه المتواضعه اهداء له ولكم أيضاً

السلام عليكم ورحمة الله وبركاته
قصيدة للشاعره الرائعه بنت العم / المميزة

تقول في تعليقهاعلى قصيدة لي غزليه:ـ ابن العم الجليل ياشاعر جبل شمروالحاصل على سيف عين حائل للشعروالشعراء نعلن تضامنا معك ضد هذه المؤذيه الله يجزاك من الحور0

[poem=font="simplified arabic,5,blue,bold,italic" bkcolor="white" bkimage="" border="outset,4,gray" type=0 line=1 align=center use=ex num="0,black""]
العيد قرب والسماء صاربه حوم = والحر قرناسه يجي دون تلواح
يانابي الردفين لاتجرح الصوم = إحذر من الصمصام بيدين سفاح
ارحم طريحن من سبايبك مسلوم = أتعبت رجله بين جيَّه ومرواح
من سبت التبان لابان مضيوم = اليا أرتخى الهميان والذلذل إنزاح
أما عطيه وسامحي فارق السوم = البادي أظلم والكريمين دماح
وإلا تجيكم شمرٍخيرت القوم= وتأخذحقوق ابن طناء بسيف ورماح[/poem]ردا على الأخت الفاضله شاعرتنا القديره /المميزة
[poem=font="simplified arabic,5,blue,bold,italic" bkcolor="white" bkimage="" border="outset,4,gray" type=0 line=1 align=center use=ex num="0,black""]
الحور والجنه لمن كان مرحوم = والعمر فرصه قبل نزاع الأرواح
يابدر من سماك يانجم منجوم = نصف الشهر نورك خذل كل مصباح
لا تذبح المسلم ولاتلحقه لوم = معذور مفتون الغنادير لو صاح
شعرك وهمساتك به السحر مزحوم = بسلوب يودع خافي السد ينباح
ترياق مهيوم ٍ عن الوصل محروم = يالمارتينا تستحقين الأمداح
أهديت لك روح الذهب غالي السوم = ماهمني كثر الخساير والأرباح
ولو عمري أصغر منك قلت إننا توم = دون الخوي مثلي مثل قوم شولاح
نوب ٍ يهد الحيل صوت أم كلثوم = وفريد ( عِش أنتَ ) بلا هم وأتراح
ونوب ٍ خطاة البيت من غرقت النوم = يخمني به جن عبقر والأشباح
ياجاء من الغالين بالحيل ملغوم = يسنا على قلبي معاويد فلاح
خليتني سفاح وعلومك علوم = خذها بشاره عاجله لاجل ترتاح
لاواهني من شاف هميان لو يوم = وما لاذ بالذلذل قبل فج الاصباح
توَّه ٍغرير وبالترف حيل محشوم = أمزح معه مزحي معك كله أ مزاح
والملزمات ألزم علي وأنت ملزوم = تقفى ولا كسر الخواطر والايضاح
دامك على جنبي هبا عندل التوم = وأنت اللذي لقلوب الأحباب جراح
علم الفخر للشمري نهج وسلوم = والحائلي قلبه خضر وين ماراح
ماني رسول الله عن الذنب معصوم = والبدو يتلون الحياء وين ماطاح[/poem]أخوكم ومحبكم شاعر جبل شمر / مبارك طناء التبيناوي

الموضوع الأصلي: الشاعره القطرية الرائعه / المميزه ترد وبقوة على شاعرجبل شمر || الكاتب: مبارك الطناء || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

معرض الوسام · 12-05-2019, 04:02 AM

يسلّم منطوقكم يّ مبدعين
إلهي يسعدك وَ يرضيك شاعرنا
~

12-05-2019, 11:14 AM

اقتباس:

المشاركة الأصلية كتبت بواسطة وتم بعيد

يسلّم منطوقكم يّ مبدعين
إلهي يسعدك وَ يرضيك شاعرنا
~

هلا ومليون مرحبا الغالي / وتم بعيد

وانت سالم وصح بدنك شرفني مرورك وبرقيكم نرتقي دمتم بخير وصحة وسلامه

اخوكم / مبارك طناء

معرض الوسام · 12-05-2019, 08:02 AM

أهديت لك روح الذهب غالي السـوم ماهمـنـي كـثـر الخسـايـر والأربـــاح
ولو عمري أصغر منك قلت إننا توم دون الخوي مثلي مثـل قـوم شـولاح

تعيش شاعر الجبل
صح لسانك ولسان الشاعره ابداع سلم نبضك ونبضها

تقديري وتحياتي

12-05-2019, 11:21 AM

اقتباس:

المشاركة الأصلية كتبت بواسطة جنون الشوق

أهديت لك روح الذهب غالي السـوم ماهمـنـي كـثـر الخسـايـر والأربـــاح
ولو عمري أصغر منك قلت إننا توم دون الخوي مثلي مثـل قـوم شـولاح

تعيش شاعر الجبل
صح لسانك ولسان الشاعره ابداع سلم نبضك ونبضها

تقديري وتحياتي

هلا وألف مرحبا اختي المبدعه / جنون الشوق

كل التحية والتقدير والأحترام

لك اختي عاشت ايامك صح بدنك شكرا على مرورك السار وللايضاح ( قوم شولاح ) الشلقان

الدعوج دمتي بخير وموده والسلام

اخوكم / مبارك طناء