كل شين يعالج غير خبث الضمير

[poem=font="simplified arabic,7,black,bold,normal" bkcolor="transparent" bkimage="backgrounds/4.gif" border="double,9,black" type=2 line=0 align=center use=ex num="0,black""]
‏كل شيّن يعالج غيرخبث الضمير=لوتدوّر علاجه ماتجد له دوى

اشهد ان الحقد للناس شرٍ شرير=بئس حمل الحقود ومقبح المحتوى

مايشيل الحقد للناس كود الحقير=واصغرالخلق حجم وهابط المستوى

انكر الصوت عندالله صوت الحمير=وكل شخصٍ يحاسب قد ماهو نوى

من نوى فعل خير يبشرونه بخير=ومن نوى فعل شرٍ في جهنم هوى

وحبل عمر البنادم لويطوّل قصير=وينتهي في رحيله من منازل طوى

ثم ينظر بوضعه بين شرٍ وخير=لين يلقا حسابه من شديد القوى

لين يلقا حسابه من سميعٍ بصير=عقب فترة غرورٍ عالي المستوى

كم نزل في نعيم الخلد شخصٍ فقير=وكم غنيٍ بحمله في جهنم ثوى

كبر فرعون اهانه واسكنه زمهرير=ومال قارون قل لي وين هوبه دوى

اسكنه وسط بيتٍ مايسر النظير=في محلن قصيف وبالجحيم انشوى[/poem]

مشعل عسام الغافل التريباني الشمري في ١٢/١٠/١٤٤١هجري

الموضوع الأصلي: كل شين يعالج غير خبث الضمير || الكاتب: مشعل التريباني || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

[poem=font="simplified arabic,7,white,bold,normal" bkcolor="darkred" bkimage="" border="double,10,darkred" type=2 line=0 align=center use=ex num="0,black""]
كم نزل في نعيم الخلد شخصٍ فقير=وكم غنيٍ بحمله في جهنم ثوى

كبر فرعون اهانه واسكنه زمهرير=ومال قارون قل لي وين هوبه دوى

اسكنه وسط بيتٍ مايسر النظير=في محلن قصيف وبالجحيم انشوى [/poem]

تســـــــــلم يابوعبدالرحمن وصح لسانك بحجم الكون
كتبت فأبدعت لاعــــــــدمنا وجووودك.

تم التنســــــــيق

اخوي الغالي ابوطارق
صح بدنك لا عدمتك
شكرالك على متابعتك المستمره وكلامك العذب بيض الله وجهك يابوطارق
وياليت تحط الخط باللون الابيض بالنسبه لي انا لان الشوف وسط والصفحه حمرا

الله يكفينا شر خبث الضمير وصاحبه

صح لسانك مليار مشعل

صح لسانك قصيده جميله شكرا

عشت عشت كلام بالصميم

ابو عبدالرحمن صح لسانك واعتلا شانك
انشهد كل شيء له علاج الا خبيث الضمير
حروف تسطر بماء من الذهاب يالعزوه

يامرحبا تراحيب المطر بشاعرنا
الكريم صح البوح والاحساس
غالينا

اخواني الافاضل
اخواتي الفاضلات
شكرالكم جميعا على المرور الله لايهينكم

صح لسانك ابو عبدالرحمن
جزاك الله خير
لا تيأس فالدواء في التوبة النصوح
وباب التوبة مفتوح

يسلّم منطوقك شاعرنا العذب
إلهي يسعدك دومات يّ مبدع
~

اخواني الافاضل
اخواتي الفاضلات
شكرالكم جميعا على المرور والاطرى لاهنتو