الله يغربل شياطينكم طلعت لبناني

11-19-2007, 01:06 AM

طول الفترهـ اللي راحت وانا اتتبع لقضية التركي والسعودي
اللي طلعوو متبادلين بعيالهم بالمستشفى
بعد مرور اربع سنوات اكتشف ال منجم ان الولد اللي عندهـ ماهو ولدهـ ولايمت له
بعد مااجري له فحوصات بالحمض ..

عاد انا الله يخلينن لعينن ترجينن

قمت اتمقل وجهي بالمرآيه واتغزز بعويناتي وحواجبي
وابتسامتي

ابشوف هي تشبه لــ الشدهان اللي على يميني وشمالي

..بالبيت
ومن كثر ماتمقل بنفسي بدت تشتغل خلايا الشكه براسي:think2: ..
رحت سألت امي قلت يمه وين ولدتيني ومن ولدني

قالت امي اييييييييييييييييييه السالفه طويله عريضه:think2: ... قلت بيني وبين نفسي هذا بلا ابوك ياعقاب
مااشتغلان هالخلاايااا عبث

اكيد السالفه به واكيد اني لبناني مصلصل

..
قالت امي اسمع ياعبيد حملت بك ويوم خذيت سبع شهور بطني وان تبداا بالحركه والخرفش

اوذيتن وذيييه

.. ماخليتن استريح وانام الليل وعقب مادخلت بالشهر الثامن
الا زادة حركتك وقمت تشتغل بالبقوس تقل مصارع

وانا اجيبك بخيمتن طايحتن عمدانه

...
وهو يقلب وجهي اصفر :sm204:قلت يمه يعني رماجبتينن بمستشفى
قالت كيف الحال

احمد ربك اني جبتك بخيمه بعد تبي مستشفى
بعد مااكتشفت اني ولد امي وابوي ومافيه اي مراوغه لي ..
قلت يمه انا اشك اني ماني ولدكم

واعتقد ان اهلي ساكنين بضيعتن بلبنان
وانا بعدين ولد نعمه باين من شكلي ماني اشهبن الهب

..
شوفي عيوني زغر وشوفي وجهي ابيض انق وشوفي اخواني وعمامي تقولين
طالعين من محرقه

..
قالت اقوول عيونك ياعبيد ماهن زغر يوم انت صغير كان بك رعيفه :tease:وديتك
لخطيب يكتب على جبهتك وانتثر الحبر وسط عيونك

.. وقلبن لاهن سود ولاهن زرق

قلت يمه يعني ماني ولد طوني

او ولد ميشل او امي ماهي صباح او مادلين

قالت انثبر ياوليد امك فزهـ ولاعيني اسمعك تسولف بهالامور

قم اندزلع عن وجهي
متحالين روحك تبي تصير لبناني يهالقردهـ

فــ يااخواني لازم كل واحد منكم يتاكد وخاصتن اللي داجين
يمكن تطلعون عيال نعمه .. عليكم بالحمض خلوهـ يحمضكم
اغديكم تحمضون وتطحطحون تالي العمر ..

على اذنكم اسمع الباب يطق
سلاااام

المواضيع المتشابهه:

الموضوع الأصلي: الله يغربل شياطينكم طلعت لبناني || الكاتب: عبيدالضلع || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

التميز خلال 24 ساعة
العضو الأكثر نشاطاً هذا اليوم	الموضوع النشط هذا اليوم	المشرف المميزلهذا اليوم	المشرفة المميزه
	(( فرح الايام 🌹على كرسي الاعتراف )) بقلم : جنون الشوق	قريبا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

(عرض الكل) الاعضاء الذين شاهدو هذا الموضوع: 0
لا يوجد اسماء لعرضها