الخطا ماهو خطـاك

الحزن ياكل من بعض زادي
ويلفي مرقدي ..
اتنفّسه و../ اتخيّله و../اتوسّده ..!
محتاج لك
عوّد تراني شــاحبٍ لوني..وليلي سرمدي
عوّد بشينك قبل زينك .. بس عوّد قابلك
وان كان ماتدري اشكثر مشتاق لك
يا سيّدي
مشتاق لك
مشتاق لك
مشتاق لك
مشتاق لك




لو تقول لي: موت أحبك
مابقول لك: وآنا أكثر
لا تحبني مني أكثر
ولا أحبك منك أكثـر
خل حبنا بالتساوي
ودامه اشعور امتبادل
في الهوى خلنا انتعادل
ما ابي اظلم خفوقك
لا ولا تظلـم خفوقي
هذا شوقي قد شوقـك
و انت شوقك قد شوقي
لا ازيـد .. ولا تزيـد
حبنا ميزان عادل
في الهوى خلنا انتعادل
يوم اقرّب منك خطـوه
لا تقرّب خطوتين
بالمثل اعشقني واهوى
ولا تحمّل قلبي دين
ما نبي فوز ، و خساره
لو تبي نغيض العواذل
في الهوى خلنا انتعادل




بارحل مثـل ضيفٍ نسوه المعازيب
ما صاح له يوم انكف وشدّ صايـح
شدّ الذلول ومـا لقى له مزاهيب
يوم الزمن وجهه عن البعض شايـح
أرحل خلّـيٍ ماعـليّـه مطـاليـب
وآخـذ همـوم ٍ رافقتـنـي رجـايــح
واحسن لي اكتم واجحد الشوق وآغيب
مانيب ناقص يا خفوقي فضايـح




يعني فـ ذمتك هـذا الشـوق عـادي..؟
عادي يعني ماتحـس الشــوق بـي ..؟؟
غننـي حـزن ِ فـ تنهيـدة "عـبـادي"
أضوني ما اشعر بدونك .. بـِ أي ضـي
كود .. لا نسنس هبوبِ .. من زنـادي
وابتديت أشعر بـِ أنـي صرت .. حـي





يَاا خيّ شِفْني
في غيَابك "شرشف الهم" إلتحفني
حتىَ جفني ..مِن رحل إصبعك عنه
مَاعرفني .. !
حتىَ "كف الضيق"
من غصنك قطفني
صَارت أنفاسي حرايق
كلهَا يومين وافني
ياخي إرحمني وشفني !!؟




قالوا لي: ابعد واتركه ..!
هيهات والقلب ادمنه
دريشته ماجيتها
طقيت انا ابـواب الشـرف
ودي اعرف شداخله
و../ اربط عنـان الالسنـه
والمشكله
كانه خذل هقوات قلبي ماعتـرف
عشقت انا دياره غصب
عشقت بعض الأمكنه
لمحت في بعض الحكي
لكن خساره ماعـرف
يحق لي
بمفارقـه اشتـم قصيـدي والعنـه
قصايدٍ ماجابته ..!
صـارت قوافيهـا قـرف





الخطا : ماهو خطـاك
الخطا: كلـه خطـاي
انت تبخل في عطـاك
وآنا مسرف في عطـاي

الموضوع الأصلي: الخطا ماهو خطـاك || الكاتب: الحيران || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات