وقفة مع عمي المريض

[poem=font="Simplified Arabic,6,white,bold,normal" bkcolor="transparent" bkimage="backgrounds/28.gif" border="solid,6,orange" type=2 line=0 align=center use=ex num="0,black"]
يا الله يامن له صلاتي وصومي=يا واحد بامره تزول الغمومي
تشفي مريض عاجز لا يقومي=زاد البلا به ياالله إنك تعينه

جيته وانا ماكنت أفكره طايح=حتى لقيت الوضع كله جرايح
والناس عنده بين صايح ونايح=واللي تماسك غرق الدمع عينه

سألت دكتوره وش اللي جراله=قال الحقيقة يعلم الله حاله
إما فحوصاته فوا عزتا له=المشكلة في وسط كبده مكينة

أمره صعيب يا محمد علاجه=والناس ما يمكن يسوون حاجة
لن المرض متمكن في سياجه=واللي مريض بس تسمع ونينه

وقفت من هول الخبر في مكاني=والدمع من عيني بسرعة غشاني
والصمت خيم بي وسكت لساني=من حالته يا ناس روحي حزينة

قلت الكلام اللي سمعته حقيقة=بالله يا عربان ويش الطريقة
قلبي توالت به هموم وضيقة=واللي يعرفون السبب عاذرينه

تكفون ماتدرون وش كان عمي=قد كان لا جا مجلس جال همي
والله لو أدري ينفعه كل دمي=لفزع بروحي واعتبرها ثمينه

هذاك ما كل الرجاجيل زية=كانت علومه بين ربعه وفيّه
فيه الكرم والطيب والمرجليه=والناس غيري كلهم خابرينه

كانت صفاته عالية يا جماعة=كان الوفاء والمرجله والشجاعة
والله سبحانه عطاه القناعة=من قبل هذا كان قايم بدينه

كانت سواليفه تزين المجالس=واللي جلس في مجلس العم يأنس
إنسان في جبر الخواطر ممارس=ماهو مثيل اللي يشيل الضغينة

أعجز لو أبغا أكتب بقايا صفاته=لنه كسب حب البشر في حياته
ماظنتي غيره يواكب سواته=راع الوافا تشهد لفعله سنينه

ما واحد ياخي شكا من خصامه=كانت طباعه بين ربعه علامة
يا الله يا مولاه ترفع مقامه=واشفه فلا غيرك قدير يعينه

ياللي قريت النص تكفى تساهم=في دعوة للي به الضيم داهم
واقول واطلب كل عاقل وفاهم=يرفع لربي يا جماعه يدينه [/poem]
[align=center]
وسلامتكم[/align]

الموضوع الأصلي: وقفة مع عمي المريض || الكاتب: محمد العمري || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات