لاتخُافٌَ بُأٌَكٍُون بُخُيرٌَ

.

[frame="1 70"]


بأكون بخير
لاتخاف
بأكون بخير
وبأتذكرْك .. ياخلي
بعَد بالخير
حتى لو تشوف الحزن بعيوني
تعدَّى موطني وكوني
تراني بخير
لاتخاف
تراني بخير









وش اللي صار حتى ما أكون بخير ؟
ولاحاجه
سوى إنك كنتي محتاجه
أكون بخير
ويعني لو أغص بعبرتي
والا أموت بحسرتي .. ياخِلّ
وش بيصير ؟
أبد عاااااااادي
ولااهتميت بجروحي ولابوحي
أقسم بالله
ياخلِّي
ترى عادي
يجيني وش يجيني
ما نطقت الآه
لا بالله
ولاأبي من يواسيني
مدام اني أنا اللي خنت التعبير
ياخلي











وش بيصير
اذا صار الألم زادي
ورحت بدون ميعادي
بأفسرها مثل حبّك
ولاألقى لها تفسير
جروح الحب ياخلي
هُم عيالي
أحَد يزعل من عياله !!
أنا ماأظن
لكني
اذا ْتغربت ببلادي
أروح لمن
ياخلي
كيف اهرب من احزاني
وانا من وين ماأهرب
ألقاني !!
ويلقى حزني بلاده
وكيف أعيش مع العالم
وانا ما أملك الا ذكريات الحب
في فستان معطر
وسجاده
وجلال أحمر
و عود ٍناحل ٍأسمر
وحلم ٍصحى
والكون تدمر
وش باقي
فقط لاغير
أنا يمكن .. وأشواقي
وبعض اشعاري زي العاده
أبد عاااادي









يعني وش بيصير
الى من ضاعت سنيني
ترى العمر فاني
وبأعزِّي تربتي فيني
وماجاني أبد تفكير
انا من وين
ياخلي
بأشوف الخير
ولي عشرين عام ٍ
كل ماجتني بشاير خير
خذاها مني الطير
تصدق !!
خذااااها الطير ياخلِّي
ووش تفرق
إذا شمسي
تدوِّر في ظلام الروح عن مشرق
ولاتشرق !!
ولاتمسي
ولاتفرق
بأكون بخير
لا تخاف
بأكون بخير










كلّ مايلقى الفـَرَح يمِّي طريق
لالقى وجهي .. تكدَّر وانتحَب

كن ّعيني صارت في همّي بريق
وكن ّجوفي نار وضلوعي حطب

والعِشِق ماهو من حظ العشيق
وش لقينا من وراه إلا التعَب

لالقينا صِدْق محتاج لصديق
والهنا لاذاق وعد ولاشرَب

ومايطيح الورد من ثقل الرحيق
ماتشوف الأرض تمسك بالخشَب

بأسهر الليله بلا ليل ورفيق
دام غصن التّوت ماطال العنَب

مجرم الأحلام من نومي طليق
وهاجس السجّان في همّي لعَب

رحت ابطفي بالبكاء نار الحريق
اثري طفيت عيني باللهب !!

ياصاحبي ماعاد لي نفس ٍتطيق
وماعلى المحروم من نفسه عتب

إنثر دموعك عليّ ودي أفيق
وادري إني مت ّطالبك طلب

ليتها بسْ جت على كوني يضيق
البلا ضاقت عظامي ياعرَب

الحياة اليوم ماتسوى شهيق
كنت أبحيا .. بس ربي ماكتَب

وكل ماينسد ّفي وجهي طريق
تضحك الفرحة عليّ ْبلاسبَب













تشوف شلون
ياخلِّي
فراقك غير
أجل وشلون
تطلبني " أكون بخير "
ويعني بس
هذا اللي تبي مني
وتطلبني
ألا ياخِل ّ
وكني بك تجاوبني :
" فقط لا غير"
فقط لا غير !!
أبد إبشر
تطمن يامعذبني
تراك بحِل ّ
تراك بحل لو قالوا حبيبك مل َّ
وانا ادرى الناس
في طبعك
ياخلي
ماتنلام
هذا طبعك
وانا اعرف
طبعك زين
وانا اللي كنت أقرب لك
من اقرب شخص من ربعك
ليش تطالعني !!
تبي تسكت
خلاص أنا أكمّل
بس لاتخبِّي
أبتحمّل
وأكون بخير
ما قصرت
ياخلّ
لاتسكت
ولا تخبي
تطمَّن
واحلف بربٍِّي
بأكون بخير
ياحبي
إذا انت بخير


[/frame]

.

الموضوع الأصلي: لاتخُافٌَ بُأٌَكٍُون بُخُيرٌَ || الكاتب: حد السيف || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات