طير ياللي لحايل رف جنحانه

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/3.gif" border="double,7,black" type=2 line=0 align=center use=ex num="0,black""]


ابن غسلان هاض وجـاب قيفانـه=وجمرة الجاش ماتطفـي لهايبهـا
صب الاشـعـار نـارن ثـار بركانـه=وزين الامثال مايخشـى صعايبهـا
لا نوى الـقـاف كنـه حـط نيشانـه=وفي حشى الخصم ماتبرى صوايبها
طير ياللـي لحايـل رف جنحانـه=شل سلامـي عـدد ذاري هبايبهـا
طيب حاتم جـذوره روس ظلعانـه=وطيب الاجواد ينبع مـن حقايبهـا
يامنابع صخـى حاتـم وعنوانـه=لابتن بالصخـى تمشـي ركايبهـا
ياربيعن علـى ضيفـه وجيرانـه=ياكفوفـن ربيعـك فـي سحايبهـا
تدعي الضيف تال الليـل نيرانـه=طـول الايـام ماتطفـي شبايبهـا
انشد الحرب عن غـارات فرسانـه=والتواريخ اليـا ثـارت حرايبهـا
وانشد المجد باللـي ذاق عدوانـه=وعن رجالن على قبـره نصايبهـا
من لفاهـا يبـي جالـه وجيلانـه=يشكي الويـل لاسـارت كتايبهـا
خفرتن فاح وسط الكـون ريحانـه=نرخص الـروح لا فلـت ذوايبهـا
حايل المجد هي ساسـه وعمدانـه=ومربط الخيل في حايـل عرايبهـا
طيبها ورث مـن خالـه وعمانـه=ومجد الاولاد قطف زهور شايبهـا
حايل الروح هي قلبـي وشريانـه=هي فنى المال يوم انحاش هايبهـا
ورد الاكوان عطر الورد بأغصانـه=وضحكةالضيف هي قمة كسايبهـا
نقوة القوم هـم ريفـه وريضانـه=وعاقل النـاس ماياخـذ ذهايبهـا
جيش الاشراف موته دون بيبانـه=وطعنة الشيخ ماتبـرى ضرايبهـا
عزوة العلي هم سـوره وجدرانـه=والضياغم عطتنـا مـن نجايبهـا
نور عبده وهـم بـدره ووجدانـه=سبع قحطـان لاضاقـت كرايبهـا
هم شيوخ الجبل من مقدم ازمانـه=هرجة الناس كلـه فـي عجايبهـا
بالسناعيس شاع اسمه وسلطانـه=تفصل الروس عن باقـي ترايبهـا
فرحة الجار هـم عـزه وسلوانـه=يامـن الجـار دنيـاه ومصايبهـا
ياشيوخـن ظهـر فعلـه بميدانـه=ترفع النفس عـن نقـرة معايبهـا
كان عرعر فخرها طيـب ويلانـه=غيبة الجوع في حايـل سبايبهـا
عزة الدار تحت سيـوف شجعانـه=والكرامه تحـت لسعـة جنايبهـا
علي الاول وربـي رافعـن شانـه=والا الاشمل شملها عـن نشايبهـا
واخو خنساء خذى الطولات بايمانه=يغلي الـدار لا رخصـت جلايبهـا
يشهد الطين في جـدران برزانـه=عن شيوخن فخرنـا فـي نقايبهـا
وانشد السمن من صبه لضيفانـه=في صحونن لكل النـاس جايبهـا
ناصر الدين فـي نشـره لقرآنـه=حتى الاعراب تابت عـن نهايبهـا
زال ربي بسيفـه بيـت شيطانـه=وعافت الناس شكـواه وطلايبهـا
نام الايتـام مـن يمنـاه شبعانـه=غيث الامـزان لا هلـت سكايبهـا
هم ذرى الناس والمزبـن لبردانـه=جعل الاجـواد ماتشكـي نوايبهـا [/poem]