يافهد قلبي يتله صاحبي بعروقه

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""]
يافـهـد قــلــبـي يـتـلـه صاحبـي بـعــروقـه=لاطـرى يكـوي خـفـوقـي مـن فــراقـه كـاوي
احـتـرق قلبي بـجـوفـي مـن لهايـب شـوقـه=وصرت عن فرقاء كحـيل الرمـش مانـي قاوي
لـيــن شفـت الفكر تايه قاعـدن فـي سوقـه=ساهـرن جـفـنـي وجسـمي مـن فـراقـه ذاوي
ويل قـلـبـي كـان حـالـت مـن وراه فـلـوقـه=او عــوى مـن دون داره فـي خـلاه العـاوي
عـنـدلـن ماشـفـت مـثـلـه فـي حـلاه وذوقـه=لامـشــت يطـوي ثـيـابـه فــوق ردفــه طـاوي
رمحها صاب الضمايـر وانـقـطـع مـعـلوقـه=جـرحـها الـذباح يـنـزف فـي خـفـوق الـراوي
جـســمها كـتـفـن وردفـن والجـدايـل فـوقـه=ولا يفـيـد جـروح روحـي فـي هـواه مـداوي
ريحـهـا كـن المـعـاطــر فـوقــهـا مـدفـوقـه=مثـل ريح الـعـود الازرق والبخـور الجـاوي
والثـنـايا يـوم تضحـك تـلـتـعـج لـه لــوقـه=لو ملكـت الـزيـن قــلـت لغــيــرهـا بالهـاوي
عـنـقـها يظهـر بياضه مـع طـوارف طــوقـه=كـنــهـا بـدر الـغـــداري بالـلـيــالي ضــاوي
زولـها مهـرة عـقــيـدن بالـلـقـاء مصلـوقـه=من مـناجـيــب الـشـريـف وفـوقـهـا برقـاوي
جـامـعــن زيـن الطـبـايـع والحـلا بخـلـوقـه=لين صار الجـسـم يومـي بالهـبـايـب خـاوي
تفـهـم شروط المحبه مـع جـمـيـع حـقــوقـه=وطيب يـمـنـاها وصايـف زوجـة الـظــلمـاوي
مامـشـت درب الخـديعـه بالهـوى والـبـوقـه=ولامـشـت بالسوق تضحـك مـشـيـها حجـلاوي
الـزمـن حــط الحــبايـب فـي نـبـا شاهـوقـه=ديرتــن تـزمـي جـبـالـه مـع ســرابـن داوي
ويـل قـلـبي كـان حـظـي والــقــدر مـاذوقـه=وش ســواتـي بالـضـمــايـر لازواه الـزاوي
صـعـب يرقــد مـن وسـاده بالخـلا طـابوقـه=دامـنـي بجــبـال سـلـمـى والــهــوى مايـاوي
راح اطـارد زول خـلـي في ضحـاح بـروقـه=وفي قـعـود البـيـت عـقـب الزين مانـي نـاوي
لين اطيح بروض عـشـبن طافحـن زمـلـوقه=وياصـلـك عـلـمـي طـريحن حـول نزلـه ثـاوي
عـاشـقـن يطـرد غـرامـه والـنهـايـه عــوقـه=وامـنعـوا من قـال هــذا فـي مـمـاتـه غـاوي
واخـبـروه اني شهـيـدن طـاح فـي خـازوقـه=وان رفـض قـول الحـنابل يـزبن الشــعـراوي [/poem]