انا من غاب نور العين سهري يافهد عاده

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/3.gif" border="double,4,black" type=2 line=0 align=center use=ex num="0,black""]
انا من غاب نور الـعـيـن سـهـري يافـهد عـاده=يروح الليل وعـيـونـي تراجـي صادق المـيـعاد
مـدام ان الـمـها قـامـت بـقـلـبـي تـقـدح زنـاده=لما صار الحـشى يشكـي لهايـب جـمـرة الحداد
اراقـب لـي نجـومـن فـي ظـلام الـلـيــل وقـاده=لما يظهر شـعـاع الفـجـر عـيـنـي ماهـنـاه رقاد
ولاتـرقــد عـيـون الـلـي يـعـانـي سـوط جـلاده=مع اللي لو تـزود جـروح قـلبـي مـن عـذابه زاد
عزاي ان العـرب قـبلي شـكـت بـلـواه وانـكاده=ونـيـران الـهـوى قـبـلـي ضحـايـاهـا بـكل بـلاد
مثل عـواد راح العـمـر يشـكي والسـبـب غـاده=ولا احـدن بالعرب يـدري عن اللي ذابحن عـواد
مـدام البيض تسـقـيـك الـسـعـاده عـنـد مـيـراده=وتعـطـيـك الامل حـتـى تـقـع فـي حـفرة الصياد
واذا شافت حـيـاتـك مـع رمـوش العـين مـنـقاده=وكـبـدك فـي غـيـاب الزيـن ماتقـبـل لـذيـذ الزاد
بـدى يكـثـر صـدود الـزيـن مـع شـكواه وعـناده=واذا قلت الحـشى مجروح قـالت يافهد وش عـاد
واذا شافـت ظـلـوع الصـدر تحـت طـعـونها باده=نهارك كاتـمـن جـرحـك ولـيـلـك ماتـجـي لوساد
يـبـيــن الـنـقـص فـي حـبـه ويـنـزل رقـم عـداده=وعـذره بالـغـيـاب ضيوف والا حـفـلـة المـيـلاد
لقيـت الـبـيـض ماتـرغـب صدوق الناس واجواده=تـريـد اللي غرامـه كذب وان صدت يجـي هـداد [/poem]