لو كان صبرك مثل صبر المهادي

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""]

لـو كـان صـبـرك مـثـل صـبر الـمهادي=تلـقـى الـذي يـجـتــاح صـبــرك ويـنـهـيه
وان جـاك هـرج اللي عـلـومه دوادي=خـلـه ويـلـقــى بـالـعــرب مـن يــداويــــه
واللي يـبــي يـطـرد هـروج الـسـرادي=لا صـاد خــيــــر ولا سـلـم من تـوالـيـه
دامك بوسط اهل الـمراجل سدادي=الـبـدر مـا تــقـــدر بـثـــوبــك تـغـــطــيــه
والـكـذب لـو يـنـشـر بـكـل الـنـوادي=لابــد مـايـكــشــف وتــظــهــــر مـواريـــه
اصـبـر وخـلـك بـيـن الاجـواد هادي=ورمح الحسد يـرجـع على صـدر راعـيـه
اللـي حـرمـنـي من جـمـيـل الـمـقـادي=الـلــه عـلــى شـيــن الـنـــوايــا يـجــــازيــه
اقـفـت ركـاب صـويـحـبـي عن بلادي=دونـه حـمـاد(ن)يـسـهـر الـلـيـل عـاويه
ذيب(ن)كـواه الـجـوع بـقـران حـادي=والـقـفـش عـن طـرش الـبـداوين حاديه
يـانـــور عــيــــنــي يـا مــظــــنـة فــوادي=يـافــرحــة الـلــي جـــور الايـام واطـيـه
يـاراحــة الـلــي طــاح مـاهـو جـوادي=ورمل الـدهر يسـفى على الوجه سافيه
يصلـى لـهـيب الـقـيـظ عـقـب البرادي=والـنـوم ما يـطـري عـلـى الـجـفن طـاريه
من عـقـب ماهو مـثـل طـير الهدادي=يـطرب خـفـوق اللي من الـوكـر غـاذيه
له مـخـلـب(ن)يـمزر عراض الـثـنـادي=لا طــالــع الـصـيــده نــزل مـن عــوالـيـه
والـيــوم حـالـه مـثـــل داب الـجـــرادي=تـحــت الـهــمــوم اللـي تـغــــثـــه وتـوذيــه
وان صـاح مـايـسـمـع لـصـوتــه مـنــادي=والا سـمــع مـنـهـم عـــتــاب ومـشــاريـه
على عـذابـي عـقــب ظـبــي الـحـمـادي=اللي سـطت وسط الـضـمـايـر مكـاويه
شــوفـــه هــنــاء قـلـبـي وغـايــة مـرادي=ونـور الـقـمــر لـلــي كـثــار(ن)مـســاريه
والـلــه فــلا نـي فـي رجى الزين غادي=وحكـم الولي ارحـم مـن احـكـام والــيـه
الـلـــي فـــتـــح بـــابـــه لـكـــل الـعـــبـــادي=عن قـفـل باب الشـيـخ وابواب قاضيه
وان زدت فـي رجــواه بـالـخـيــر زادي=والادمــي يـزعـــــل الـيـــا زاد راجــيــه
يـقــدر يـعـــيـــد الـلــي طــواه الـبــعــادي=دام الـحـشـى مـاهـو مع الـبـعد ناسيه
وجـدي عـلـيـهـا مـثـل وجـد الـبـجـادي=اللي لـقــى خـشــف الـمـهـا مع موالـيـه
والـلـه فـلا جــيــــتـــه بــدرب الــعــنـــادي=وحـكـم الـقــدر كل الـمـخاليق تـمـشيه
عـز الـلــه ان الـهـجــر مـاهــوب عـادي=وصعب(ن)على العافي يوصف معانيه
وهـذا حـصـاد اللـي زرع بـطــن وادي=ويا كبر غـبـن اللـي زرع فـي مـجـاريه
والـلــه فــلا يـربــح بـوقــت الـحـصـادي=والصيف مع سـيـلـه كـبـار(ن)هـواديه
ومن قـام حـظــه جــاه سـمـن الـبــوادي=لو ما ركـض قـفـو الـدبـش في مـفاليه
وتـمـر الـغـرايـس قـبـل وقـت الـجدادي=فوق الـقـلـيـب اللي طـوال(ن)مداليه
وان نــام حـطـك فـوق شوك الـكـتـادي=يـرقـد ولـو تـصـرخ بـصــوتــك تـنـاديه
مـثـل الــذي يـنــفــخ بـوســط الــرمـادي=يـبــي الــرمــاد بـلاسـع الـبـرد يـدفـيـه
ودنـيــاك مـلـــفــــاهـا الـــفــــنــى والـنـــفــادي=وكــم كـاتــم(ن) والقلب تصفق عراويه [/poem]