لحظهـ !! ترى ماجيت اقدم لكـ اعذار

[glow1=FF0000]لحظه !! ترى ماجيت اقدم لك اعـذار
لحظه !! وبعده سـوي اللـي تسويـن

لحظه !! بصحِّح بيننا بعض الافكـار
وباقول لـك حاجـه قبـل ماتقوليـن

لا تحسبينـي بانثـر الدمـع وانهـار
والا اترجى واطلبـك مـا تروحيـن

روحي عسى دربك بساتيـن وازهـار
روحـي وغيـري بالمخاليـق تلقيـن

صحيح لك بالقلـب حشمـه ومقـدار
لكـن شسـوي لـك اذا مـا تحسيـن

لي قلب لامنـه عشـق حيـل مـدرار
ومن الغـلا عنـدي يكفـي ملاييـن

بس إن لقى صد وجفى صـار جبَّـار
وأقدر افـارق واهجـرك لاتخافيـن

يابنت انا لي عزتـي وباخـذ الثـار
وابغى انصحك لارحت اصحي تنادين

ماني براجع لاتقوليـن وش صـار؟
لاتسألينـي ليـه ؟ انتـي تعرفـيـن

غيـرك تمنونـي وبالعـب وباختـار
واعشق بدالك الـف وحـده بيوميـن

وانتي رصيدك بالغلا عندي اصفـار
ماهـو بذنبـي ماعرفتـي تحبـيـن

وكل الذي لجلك كتبتـه مـن اشعـار
والله خسـاره فـيـك ماتستحقـيـن

حتى صورك اللي من العـام تذكـار
بادوسهـا وانتـي قبالـي تشوفـيـن

يامـا عطيتـك الـف إنذار..وانـذار
أقـدر افارق..قلـت لـك : لاتحديـن

واليوم انا ليه اتعـب النفـس واحتـار
دامـك جرحتينـي وكنتـي تسلـيـن

إن كنت حي ومن طويليـن الاعمـار
لجرح بدال الجـرح تسعـه وتسعيـن

والحين يالله خلـي دموعـك امطـار
وباحاول اضحك طول ما انتي تصيحين[/glow1]

[glow1=6666FF]حـــــامد زيد[/glow1]

الموضوع الأصلي: لحظهـ !! ترى ماجيت اقدم لكـ اعذار || الكاتب: شباصة أجوديه || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات