|
رثاء الامير الفقيد ... طلال الرشيد
يارب تحوز على رضاكم
[إحـتـرام الــذات وتقـديـر الـبـشـر=من خصالك يالرشيـد ابـن الرشيـد
كــم تولـيـت اليتـامـى مــن الفـقـر=وكـم تغنـى فـي حنانـك هالوحـيـد
ما قصدت الصيت مقصدك الأجر=والـنـوايـا تـسـبـق الـعـلـم الأكـيــد
الـرصـاص الـلـي تسـلـل بالـغـدر=ما رضى بس القدر ضمـك شهيـد
حـن لــك عـهـد الفيـافـي والقـمـر=(والصقـور) اللـي مخاويهـا فقـيـد
والسحـاب اللـي تحـت ظلـه تمـر=والغضى ..والنار والبـرد الشديـد
يـا طـلال اليـوم مـن ويـن الصبـر=واسمك اللـي عـاش يسبقـه الفقيـد
يـا كريـم السـاس ينعـيـك السـطـر=وكـل حبـرٍ سـال بالـرأي السـديـد
سـيّـدي والـدمــع لـجـلـك أنـهـمـر=مـا ترجعـك الـدمـوع ولــو تـزيـد
وش يفيد الشوق وإحساس الشعـر=دام ابــو نــواف مـــا رد النـشـيـد
الـقـدر سـابـق ومـــا مـنــه مـفــر=والشـهـاده خاتـمـه لــك يالسـعـيـد
الرصاص اللي وصل لك بالغـدر=ما رضى بس القدر ضمـك شهيـد ]
|
العضو الأكثر نشاطاً هذا اليوم 
« آخـــر الـــمـــشـــاركــــات »
الإهداءات
07-13-2004, 10:36 AM
العرض الشجري