من دون عضوية ولا رقم سري

اسعد الله أيامكم

قصيدة بسيطة كتبتها على الكيبورد

عسا أن تنال إعجابكم

سجلت في قلبي وحنا قبلناك
....... من دون عضويه ولا رقم سري
**
والله وسط القلب ماشي يسواك
....... علم ٍ أكيد ومايجينا تطري
**
أنت الوحيد وكل مافيني فداك
....... والشوق جاك ولايبيله تحري
**
انت المدير وكلنا فدوة رضاك
....... أقولها بالصدق ماهي تزري
**
ياللي مابين الناس بالزين محلاك
....... والكل من شوفك يحب التذري
**
ينقد على نفسه بطلت محياك
....... ويقول ياعيني من الشوف يقري
**
وانا الحظيظ وكل مابي تمناك
....... ذقت الحلا من بعد ماراح مِري
**
يامرحبا بك داخل القلب حياك
....... من دون عضوية ولا رقم سري
**********

وسلامتكم

الموضوع الأصلي: من دون عضوية ولا رقم سري || الكاتب: محمد الفريدي || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات