| | [ بقــايا : حمامْ ] | |

[ALIGN=CENTER][TABLE1="width:95%;background-color:black;border:2px solid gray;"][CELL="filter:;"][ALIGN=center]

|| مي اللافي , الاسم الذي توشحه النقاء .

مي : الحرف الذي أثِقُ تماماً حين لمحهّ أنني على موعدِ مع الارتواء ..ِ

مي : ورحلة ال 10 من المطر المُنسكب :

-


[1 ]

هـ الدمعتين أستحي لا جيت أبـ مسحها ’
.. .. .. مادامها حدّرت منّي على شانك
و
لجل أحترم صدقها ماني بـ شارحها ’
.. .. .. بعض الشعور أصدق إن جاهرت كتمانك
ودّي على حبسها وأخاف لا أجرحها ’
.. .. .. وأنا أدري إن قصدها بـ تريِح خلاّنك ,


[ 2 ]

إلي متى بسمتي فـ غيابك بـ تنسرق !
.. .. ..[ تقهرني لا شفتها في وجيه عذّالي ]
وأصّد ما كنّي المسروق وآنا أحترق ’
.. .. .. وإن سولفت دمعتي ماروّقت بالي ,
هي زحمة أملاح وإن حاولت ماتنزرق ..
.. .. .. تجرح جفوني وأنا تعبان من [ حالي ]



[ 3 ]

( لا تجبرون اللي ّ نزح عن حبيبه
.. .. .. يرجع ) لو إن الشوق جار ولعبّه

لا تحسبونه خااااان كارِه نصيبه ’
.. .. .. يمكنّه أصلا ً كان خاين لـ ربّه ,
وتذكّر اللي من عذابه يصيبه ’
.. .. .. [ وأستغفر الله ] من ذنوبه وكبّه ,


[ 4 ]


اللي جبر خافقي يجفاك من بدري
.. .. .. تساقِطْ الدمع من عينك وأنا أشوفه
أنا وأنا بنت قل ّ الدمع من قدري
.. .. .. وشلون رجّال يبكي لي من ظروفه
ياهيه تشكّايتك ماضيّقت صدري
.. .. .. لكَنْكْ رّجال والـ رجّال له نوفه
ماقول كن شخص بالإحساس مايدري
.. .. .. لكَنْ رجّال يقوى حملي إكتوفه
ألعب معه ويحسب إحساب ٍ لـ صغري
.. .. .. وإن جيت أبسابقه يتركني آطوفه


[ 5 ]

قصايدي فيك طل ّ الصبح ماتمّت
.. .. .. أغفى على حرفها متحضّن أوراقي

صديقة الحزن غير الضيق وش ضمّت !
.. .. .. إرفق على حزنها وإن جيت بـ تلاقي

صدر ٍ يضمّ الفضا لو ضيقتك عمّت ’
.. .. .. وإحساس لا أعطاك مايسأل عن الباقي !
كم بنت ٍ أحكي لها حزني ولا أهتمّت !
.. .. .. وأنا اللي أدرى لها لو شانت أخلاقي ’
سمّيتها بـ إخت ْ لكن : ليه ماسمّت ..
.. .. .. فعايلي [ طيب ] صارفته لـ خلاّقي !!



[ 6 ]

كلامك إرماح يحضنها غلا سمعي
.. .. .. مانقصّت من غلاك إن قالت وقالت
كب ّ العتب لاأنجرح وإضرى على طبعي ..
.. .. .. مااجادل اللي خطا لو صدّتي طالت
وكثر المشاريه ماتقوى على جمعي ’
.. .. .. أنا إنتثرتك خطا وحظوظنا [ مالت ]


[ 7 ]


أحيان ودّي أنحرم من حاجه ’
.. .. .. عشان أقرّب لا بغيت أطلبها
أحبّ أقرّب لا عقد بـ حجاجه ’
.. .. .. لو تنسكب لي دمعته بشربها
والمشكلهْ إنّه دمعته ماْتواجه
.. .. .. اليا جلس في خلوته يسكبها
وأنا دموعي بـ شوفته درّاجه
.. .. .. مايحتضنها محجري وأغصبها
وتطيح في كفّه وهي تحتاجه
.. .. .. ثم ّ أحترمها وأبتعد مااقربها


[ 8 ]


أنا أدري إن الشِعـِر ْ لا جاك مايغري ’
.. .. .. لكَن ْ غير الشعر ماعاد لي حيله !

أهديت لك فرحْ [ خمس سنين ] من عمري ’
.. .. .. وعجزان تهديني الفرحه في هـ الليله !!

ليل العنا لا دخل بـ سكات مايسري ’
.. .. .. قل شي ؛ خل ّ العنا يكتم مواويله

تعبت من [ حاجتي ] بس أنت ماتدري ’
.. .. .. وإذا إنتبه خافقك ْ ماقال : وش هي له ؟!

أخاف يادمعتي لا يلْحِقِك ْ قدري ’
.. .. .. وأعيش طول العمر ذكرى وأغني له !


[ 9 ]

كانك ترجّى بيت شعر أكتبه فيك !
.. .. .. فـ أنا ذخرت الشعر للي خذيته ’
والا ّ أنت وهم ٍ كل ماحل ّ طاريك ’
.. .. .. أستغفر الله خوف ذنب ٍ جنيته
عوّدتك إنّي لاتأزمّت ماجيك ’
.. .. .. قبل الذي لاضاق صدري نصيته
لنّي كثر ماعشت في حلو ماضيك ’
.. .. .. ولنّي كثر ماليل حبّك سريته ...
بقول لك شيٍ ولا ابيه يخفيك ’
[ ماأرتحت ] لنّك ذنب همت ورضيته ’
[ وضميري اللي في حناياي ينبيك
.. .. .. عن ذنبي اللي لا أختليت وبكيته ]


[ 10 ]


فقط لانها ميْ /: صمتاً فالمطر ينّهمرْ

[/ALIGN][/CELL][/TABLE1][/ALIGN]

الموضوع الأصلي: | | [ بقــايا : حمامْ ] | | || الكاتب: " آلـ جــود " || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات