صـــــــــدفه

الشوق ماله عمر , يفنى وينعاد

........................له في الضلوع أن عاد وأن غاب رجفه

مع كل فرقا , له ورى الجفن ميلاد

........................وأن ماتت الفرقا لقى الشوق حتفه

جيت أقتل الفرقا من بلاد لــ بلاد

........................ملّ الطريق يشيلني فوق كتفه

وأنا بعد مليت من كثر ما أرتاد

........................هالشارع اللي كان لك فيه شرفه

تظمأ عيوني شوفك , وتشبع سهاد

........................عيّا الزمن يقطع ظماها بــ رشفه

لاوجهك أسقاها , ولا ذاقت رقاد

........................ماغير طيفك , طيفك اللي أعرفه

كنّه ظبي , وعيوني ظلال صيـاد

........................يجفل قبل يرتد للجفن طرفه

مشكلته أنه كل ما أشتقت يزداد

........................حتى ملا جدران وقتي وسقفه

وأصبحت أشوفه فــ أول الغيم لاجاد

........................وفــ أقصى الشفق لاطاحت الشمس خلفه

وفـي الأرض لانامت عقب صوت رعاد

........................وفي كل شباك ٍ صحت منه درفه

أتعبت طيفك لوم , واللوم مافاد

........................ويوم الأمل في شوفتك مات نصفه

نويت أسافر عنك بجروح ٍ جداد

........................وعمر ٍ من أوراق الزمن حان قطفه

نويت , لكن جابني الشوق منقاد

........................وجابك حنينك , والزمن سال عطفه

شفتك تبــسّـم لي خجل مدري عناد

........................وفي نظرتك شوق ٍ من الظلم وصفه

حسيت كني طفل , وعيونك أعياد

........................ياعيدي اللي له ورى الصدر رجفه

سـمّ اللقا صدفة , وأسـمّيه ميعاد

........................أنا أنتظرتك , وأنت مريت صدفه

مما لامس الاحساس

اتمنى ان ترتقي
لسمو ذائقتكم

الموضوع الأصلي: صـــــــــدفه || الكاتب: بوح المشاعر || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات

الله الله وش ها الزين
بصراحه اهنيك ع هيك قصيده ذوووق يا حلو
يعطيك الف عافيه
تقبل مروري العطر

ذوق راقي جداً
وحس مرهف
أثاره في الأنتقاء
للمشاعر
صح لسانه وتسلم يمينك من كل شر
دمت بخير لاينتهي

ياحبي لك ولذوقك
سلم قلبك وكلك وصح لسانك ولسان شاعرها
تقديرى واحترامى

سـمّ اللقا صدفة , وأسـمّيه ميعاد

........................أنا أنتظرتك , وأنت مريت صدفه


رااقت لي جداا
تستحق التقييم

لاهنت

الرائع بوح المشااعر
انتقاااء مميز وعذب
لاغرابه في ذلك فانت تملك ذائقه مميزة
سلم ذووقك
دمت بخير
لك ودي

انفاس عذبه
ياهلا فيك والله وغلا
يحلى اياامك .. الذوق انتي منبعه
مرورك اسعدني وانار متصفحتي
يســعدك ربي ويحميك
كـــــــل الشـــكر
دمتي كما تحبين واكثر

بؤؤؤح المشاعر


انتقاء راقي


يسعد لي قلبك على الذووق


وسلمت على النقل


دمت باالف خير


تحياااتي لك

ابيات قمه بالروعه
بوح المشاعر
ذااااائقه ترقى لعنان السماء
واحساس بنبض عذب
دام مداد حرفك

ابيات وانتقاء في غايه الروعه

سلمت يد كاتبها ويد ناقلها،،

لاتحرمنا من ذائقتك المميزه

شادن

لاجديد دائما ماتريد أن تتعبنا معك
ذائقتك تفوق الخيال
سلمت على طيب الانتقاء وعذوبته

انتقاء رااائع ومميز

تسلم ويسلم ذوقك الراقي

الفاتنه
هلافيك والله وغلا
لان حسك شاعري فلاغرابه
اسعدني تواجدك الذوق هنا
يسعدك ربي
كـــــل الشـــكر
دمتي كما تحبين واكثر

عقاب النهار
هلافيك والله وغلاا
يالبى قلبك ياالغلا
ماحبيت الا من حبك ياالغلا
يسعدني تواجدك بجانبي دائماً
لاحرمني الله منك
كـــــــل الشــكر
دمت كما تحب واكثر

شموخ العز
هلافيك والله وغلا
اسعدني مرورك الذوق هنا
كرماً غير مستغرب منك
يعطيك الف عافيه
كــــــل الشــــكر
دمتي كما تحبين واكثر